Genesis 9:27 - Nobonob Baibel

²⁷ Aria, da Kayak Nug heeb, Japetnu wan okkai bekkunu ool daatte. Ao, da Japet nug Sem ele aa laippu daayya oiglahnu ool daatte. Amu Kanan nug Japetnu begbeg maɗi nid ele daakkunu ool daatte,” awa aum.

Genesis 9:27 ပူးပေါင်းရင်းမြစ်များ

Genesis 10:2

Japet bekkod am Gomer, Magog, Madai, Jawan, Tubal, Mesek, Tiras ele.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Genesis 9:28

Amu le hiɗ naɗi dimppa amu, Noa maɗ 350 baula dayom.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Hosea 2:14

Yawe Nug anam mattia, Nug tuɗitta aum. “Anam amge, da geha kobol enappa nug eɗue aokkul. Geha da nug omale ukken, atu taɗakppa nai bodoettakppa, elelenab nug amegppa nai madikkul.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Aposel 17:14

amu Kristen ag paha ahan, Pol aon meeg noa, yu ihippa gokkunu ugekke, Silas, Timoti ele, aa amu Beria daapiɗ.

Rom 11:12

Amu ag ib apiɗidppig amuppa Kayak Nug wanppanu danab oh dilagppa ehanattak okkai hette. Ag Kayaknu kobol ena uuppig, amuppa Kayak Nug iitta aɗi dilagppa kobol enanag hette. Anam amunu, Israel ag eɗun Kayak toppa dokkulag haenppa amu, geha wanppan danab ag enanag daaglag.

Rom 15:12

Amunu nai laa am, Aisaia nug ⌊Kayak oɗe awa,⌋ nai imu ⌊Kayak naippa yaak daatte⌋ aum. “Genab, Jesi buɗubppanu danab laa ba dayaya, Nug geha wanppan wan ohppan danab ah dilag gumitta danab daakku. Nug beeb amu iitta aɗi ag geha nuhigppa ehanittak aoglagnu dabmak aɗan daaglag.”

Epesus 2:19

Anam daatte amunu, ag iitta aɗi ag baula wan laihnu danab, o aab diig danab iitta, ag amubia iitta. Ag Kayaknu danab ah oppiaawak ele, ag ag ele huu laippu; ag ele Kayak bekkod.

Epesus 3:13

Amunu amu, da iikku ag amelagppa attem. Da uug mawadttem imu amu, da ag ehanadkkulnu mawadttem amunu, ag uug imu dabmenana, ag aib bodoedappig. Ag ii bodoettaglag amu, ag ele binag amahlak oppiaawak ele aoglag.

Epesus 3:6

Nai lokkumak dayom amu inam. Gemu Nai Enanu ɠagattagppa ameg laa, amuam iitta aɗi, ag Juda ele laippu ouqak daatteb. Ig oh laippu daattem. Ag anam daanna, keeke oh Kayak Nug Juda aoglagnu nai qakka aum amu, iitta aɗi ag Kristus Jesusnu daatteb ele, ag ele amu aoglag.