Genesis 9:25 - Nobonob Baibel

²⁵ Doya amu nug aum. “Da Kanan eheɗ laa awaknu anak waappa daakku ool daatte. Amuam da nug, nug mamekkud baelkadppa dilag begbeg maɗi nid onig iitta daakkunu ool daatte,” awa aum.

Genesis 9:25 ပူးပေါင်းရင်းမြစ်များ

Genesis 3:14

Ah nug anam a, Yawe Kayak Nug doya, Nug mat amegppa aum. “Na keeke nau imu heme amunu, nahip eheɗ laa awaknu anak waappa dayak am aabppan doɗ laa oh eɗattak. Ge, am doɗ dakkuɗ ele laa oh eɗattak. Na ootppaib oinna; amu na gappud lanana oippeppe ukkeb, na mauhkkut.

Genesis 4:11

amunu, na hemenu, na eheɗ laa awaknu anak waappa daan, na Abel tiig gokkaɗe, wan imu ooppa noum ele, na wan imu uun gokkut.

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

Genesis 9:18

Noa bekkod ewam uubppanu neppig amu, ag onilag Sem, Ham, Japet ele. Ham amu, nug Kanan mameg.

Genesis 9:22

Anam niieye, Kanan mameg Ham, nug mameg anam peh lagppa niieye antta, nug dimittim ukka, Sem, Japet ele amelahppa aum.

Genesis 9:24

Amu Noa niie ukke, beɗuppa ukke aha, nug bekka dimnab Ham nuhignu aɗi heum amu, laa ag nug aeg doyom.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Jon 8:34

Anam aeg am Jesus Nug aum. “Da genabnab genab ag amelagppa attem. Aun laa nug hipunin hette amu, nug am hipuninnu begbeg maɗi nid daatte.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 28:18

Ag nid kuɗum iitta, amu ahilkad dad ele nauhak daaglagnu, ag eheɗ laa awaknu anak amu waappa daaglag. Ahilag makau, sipsip ele ii menuglagnu, ag eheɗ laa awaknu anak amu waappa daaglag.

Josua 9:23

Anam amunu, ag aakku gemu, haen oh ag eheɗ laa awaknu anak waappa daatteb. Gemu digmak, ag dahil Kayak, ag Nug laugnu aab aonna, ag le ele itaglag,” awa aum.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.