Genesis 7:9 - Nobonob Baibel

⁹ anig, dawai ele anam anam, Noa ele, Kayak Noa haknunab aum bia noppig.

Genesis 7:9 ပူးပေါင်းရင်းမြစ်များ

Genesis 2:19

Amu anukka Yawe Kayak Nug wanppanu doɗ iɗu iɗu oh, ai iɗu iɗu oh ele wanppanu hatte bena daaegeg, Nug Adam ahilagnu anen anen ag onilkad ataɗadkkunu nug noobppa diia uɗie, Adam nug ag onilag ataɗatte, anam daappig.

Genesis 6:22

Kayak Nug anam a amu, Noa nug keeke oh, Kayak hekkununab aum bia amu, nug anam heum.

Genesis 7:10

Amu deɗ eblaih aɗit ele uue, hiɗ naɗi wan atu oh tonakkunu digmeum.

Genesis 7:15

Doɗ iɗu iɗu oh bau daappig ele, ag oolagppanu anig, dawai ele, ag Noa ele uub ooppa noppig.

Genesis 7:16

Kayak Noa hekkununab aum bia, doɗ iɗu iɗu oh bau daappig ele, ag oolagppanu anig, dawai ele, Noa ele uub ooppa noeg, Yawe Nug uub od manom.

Genesis 7:8

Doɗ mana mettaknu elele, mana mettaknu elele iitta, ai, doɗ laa ag oolag wan qeeqe oitteb ele,

Aisaia 65:25

Haen amuppa da heppi, doɗ wulp, sipsip nag ele aa laippu daayya, ee lakkulah. Doɗ laion, makau gikkiɗah latte bia gikkiɗah lakku. Mat ag baula danab ah guittak ii mattamna. Dahil qauko, qauko amuam dahilnu tituanak daatte amu, qauko amuppa amu laa nug guittak iinab mettama. Laa nug keeke laa iinab heeb nauhma!” Yawe Nug anam atte.

Jeremaia 8:7

Stok nug oug haen uɗitte doya, nug aha, hagagɗa, laih oug haen iittappa gokkunu dootte. Ao, uppuɗil beɗulag nakok, ai swipt, amu trus ele, ag ele anam dootteb. Ai ag anam dootteb, amge dahilad danab ah ag ɗo da, Yawe, da ag dim lamidkkulagnu mattami ii dootteb.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.