Genesis 7:11 - Nobonob Baibel

¹¹ Haen amuppa Noa nug maɗ 600 dayom. Maɗ 600 dayeye, kalam ebqak aɗit, kalam amunu deɗ 17ppa, gu okkai neene, Kayak Nug he, wan panatte, wan ooppanu le huanak qeppuɗin beegeg, le hiɗ naɗi digma beum.

Genesis 7:11 ပူးပေါင်းရင်းမြစ်များ

Genesis 1:7

Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Genesis 6:17

Da keeke bau wan qaɗeppa oitteb ele amu mauhkkulagnu heppi, le hiɗ naɗi bekku. Beeb amu, keeke amu oh mauhkkulag.

Genesis 7:6

Babaitta, nug maɗ nuhig 600 dayeye, le hiɗ naɗi bekkunu heehe amu, nug, nug wau, amu nug bekkod ewam, ag waalkad ele, ag oh bau daaglagnu uub ooppa noppig.

Genesis 8:14

Antte ukke, kalam ebqak aɗit, kalam amunu deɗ 27ppa wan oh qaɗaietta malom.

Genesis 8:2

Amu Kayak he, wan ooppanu le qeppuɗia ii beum. Gu ele ii neum

2 King 7:19

Amge ban daup ikki gemu mauhom amu, nug Elisa nai aumnu, nug nob ma inam aum. “Antte! Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a amu, Kayaknu danab Elisa nug ban daup ikki amu amegppa aum. “Genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

Job 12:15

Kayak Nug gu nemanu a, gu ii ne, wan qaɗaietta auta autanab aotte. Kayak Nug he, gu huanaknab ne, le ui eheɗ o, wan aakku nauhtte.

Job 28:4

Ag danab ah ii daattebppa, wan ooppa umanab appa ag men hoin, giɗo elab hoitteb. Ao, aben danab ah ii oittebppa, appa ag amu hetteb. Ge, ag appa men hoin, muɗippa aihak daan, ilul qena, ahilag uɗat hetteb.

Job 38:16

Job, na deɗ laa oin gona, yu ooppa le qeppuɗia betteppa oimete? Ge, na yu unuqag, appa tappan gomete?

Job 38:37

Haen wan gappud qagma, ɠagattag ebatte, ge, haen wan le iittanu ɠagattagnab ebatte amu, aun laa nug lombig elele daaglagnu doyak dabmak ena ele nuhigppa heeb dokkulagnu elele? Ge, aun nug heeb, gu nekkunu elele?

Sam 33:7

Nug yuppan le oh yu daakkunu aben laippu qagmeum daatte. Yo, Nug yuppan le oh aben laippu yu daakkunu qagmeum daatte.

Sam 74:15

Naib hee, le qeppuɗia bakppanu, lenagppanu ele, le bena goppig. Ao, ⌊amge keeke laa ele⌋ naib na hee, le hanhan gonanaib daatteb, ii qaɗaiedatteb ele amu, na hee, aakku qaɗaiedappig.

Prowerb 3:20

Yawe Nug nuhig doyakppa he, yu beum daatte; Nug he, baito habppanu nette.

Aisaia 24:18

Am inam bekku. Danab nug haen naunu nai doya, nug haen nau amu ii aomanu nug oolkku amu, geha nug moɗ hayagppa nokku. Aria, ⌊haen amuppa⌋ laa nug moɗ hayagppanu ba oola ukka amu, geha pelemppa tekku. Amu haen amuppa hab od oh geha matuleb, le gokkaɗa, wanppa neebeb, geha wannu ukku uɗalkku.

Aisaia 24:19

Wan ⌊eheɗ naunab nau uɗalala,⌋ panakku. Wan paneb ukkeb, oɗe okkai okkai daakku. Wan eheɗ nau hahaɗkku.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Jeremaia 51:16

Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Esekiel 26:19

Amu bekkunu diignu amu, Naɗi Yawe Nug inam atte. “Da heppi, Tair am hele-ettak, aab okkai laala gemu danab ah appa ii daatteb ele, amubia daakku. Amu da heppi, Tair anam dayeb, yu ele uɗia, tona maleb amu,

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

Matyu 24:38

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, anam heegeg ukke, Noa uubppa teum.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

2 Pita 3:6

Amu leppa ele Kayak Nug he, le hiɗ naɗi ba, haen amuppanu wan atu awe padal meum.