Genesis 6:6 - Nobonob Baibel

⁶ Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

Genesis 6:6 ပူးပေါင်းရင်းမြစ်များ

Genesis 6:7

Yawe Nug anam antta doya amu, Nug aum. “Da danab hemi amu, ag, aria doɗ, doɗ laa ag oolag wan qeeqe oitteb, amu ai hab waappa hagagaɗna oitteb ele amu, da heppi, ag oh iitta mekkulag. Aɗinu? Da ag hattaminu kahipal aoɗom bia doottem,” awa aum.

2 Samuel 24:16

Yawe Nug he, engel laa nug oɗe amu he beum amu, engel amu nug Jerusalem uug amu aon nauhkkulagnu eppeg hume, Kayak antta, ooppa guittak naɗi doya, Nug engel uɗat amu heum ele amegppa aum. “Aakku elele! Baula aib heme!” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

1 Stori 21:15

Anam he ukke, Kayak Nug engel danab aqom ele nug Jerusalem heeb nauhkkunu me ukke, nug ukka, Jerusalem danab aqakkunu dayom, amge nug anam hekkunu he, Yawe antta, Nug uug naunab nau Israel dilagppa beum antta, ooppa guittak naɗi doya, Nug engel danab aqom ele amegppa aum. “Aakku elele. Baula aib heme,” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Sam 119:158

Danab ah ag na aɗi attem, ag amunu oolagppa genab ii dootteb, ag nahip nai ii dim lamidtteb amunu, danab ah amunu da oolppa uuaknab doottem.

Sam 78:40

O gadon, atu taɗakppa ag haen kuɗum Nug waappa daaglagnu uuna, ag nuhig nai tappaeg neum. Ao, wan meu waknu nakokib elele, amuppa ele ag haen kuɗum heeg, Nug uug doyom.

Sam 81:13

Amge O gadon! Danab ah dahilad ag genab da dooiɗlob! Ao, Israel ag da ippul dim lamiɗlob,

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Aisaia 48:18

Ag dahil nai, dahil ɗo ele tutukku dabmena dim lamidlob am ena, amge ag ii heppig. Ag anam helob amu, ahilag maɗoɗ am le hanhan ugakkaib daatte bia daalo. Ag helob amu, ahilag genab tutukku hak kobol am yu duban qa gotte uɗitte, ahilag genab tutukku hak kobol am anam daalo.

Aisaia 63:10

Nug anam heum, amge ag Nug waappa daaglagnu uun, nuhig nai tappaeg ne, ag nuhig Ouɗi Oppiaawak Ele, ag Nug uug nau medappig. Ag anam heppig amunu, Nug eɗua, ahilag kekeɗ dayom. Nugnab aakku ag ele ban heppig.

Jeremaia 18:7

Amu deɗ laa da kekeɗ ag wanppan wan laa, o ɗo maɗoɗ laa heppeg, ag nauhna autna aon, nena qena padal mekkulagnu akkul dayeb,

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Duteronomi 32:29

O gadon. Ag am danab ah doyak dabmak ena ele daanna, ag imu dooppeg, oolag maidlo am ena! O gadon. Ag aɗi kobol ahilagppa bekku oolag maidlo am ena!

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Hibru 3:10

Amu diig amunu da danab amu dilagnu ool nauhe inam ami. ‘Danab ah imu ag haen oh dahil ib apiɗidna oitteb. Ag dahil kobol ii doyadppig, gemu ele ii doyadtteb.’

Hibru 3:17

Kayak Nug maɗ 40 haen amu ohppa aun aɗi dilagnu oo nauhak doyom? Amuam danab ah ag hipunin qenana, mauhna atu taɗakppa niippig. Kayak Nug ahilagnu oo nauhak doyom.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 Samuel 15:11

“Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.

1 Samuel 15:35

Amu Samuel nug Rama ukka daye ukke mauhom. Nug appa dayaya, haen amu oh nug baula Saul ii anttom, amge nug Saulnu oo uug dayeye, nuhignu gayom. Yawe amu, Nug Saul Israel dilag king daakkunu meum amu, Nug amunu oo uug dayom.