Genesis 6:17 - Nobonob Baibel

¹⁷ Da keeke bau wan qaɗeppa oitteb ele amu mauhkkulagnu heppi, le hiɗ naɗi bekku. Beeb amu, keeke amu oh mauhkkulag.

Genesis 6:17 ပူးပေါင်းရင်းမြစ်များ

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Genesis 6:16

Na uub lag haug biappa tone, amge uubnu gilil amu haug ii yaama. Mita laippunu maha am hamu dayaɗ. Uubnu gililppa amu, na od mena, ooppa lag oo okkai ewam, laa attan, laa gamagppa, amu laa honap ele he!

Genesis 6:7

Yawe Nug anam antta doya amu, Nug aum. “Da danab hemi amu, ag, aria doɗ, doɗ laa ag oolag wan qeeqe oitteb, amu ai hab waappa hagagaɗna oitteb ele amu, da heppi, ag oh iitta mekkulag. Aɗinu? Da ag hattaminu kahipal aoɗom bia doottem,” awa aum.

Genesis 7:15

Doɗ iɗu iɗu oh bau daappig ele, ag oolagppanu anig, dawai ele, ag Noa ele uub ooppa noppig.

Genesis 7:17

Mane amu, deɗ 40ppa le hiɗ beebe, le titiɗa, uub ele wanppanu attannab huma,

Genesis 7:4

Aɗinu? Deɗ eblaih aɗit uueb amu, da heppi, gu okkai na, amun 40, tuqan 40 ele daakku amunu, keeke oh da hatti, wanppa bau daatteb ele, am iitta mekkulag,” awa aum.

Genesis 9:9

“Da ag, amu ag buɗulkad dimppa bekkulag ele amu, gemu da hei, da ag oh ele nug tituana nai qakkak hettem.

Job 22:16

Danab amu ag amunu dabmena, eheɗ henana, ag mauhkkulagnu haen iittappa nauhppig. Ao, Kayak he, le ui eheɗ na, keeke ye ukka nauhtte, amubia danab amu ag nauhna autna aoppig.

Sam 29:10

Yawe Nug yu okkai gumatte. Ao, Nug king okkai hanhannu daatte.

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Aisaia 54:9

Amu Yawe Nug atte. “Amu dahil dabmakppa, da gemunu keeke am anukka Noa haenppan keeke bia anidttem. Anukka, haen amuppa da dahil nai ɠagattag qetten, da Noa amegppa, ‘Da hei, gu ne, le wan oh tone, wan nauhom amu, da baula leppa anam ii hepa,’ ami amu, amubia da gemu dahil nai ɠagattag qette, ‘Da ag Juda, da baula ahilagnu oo nauhak ii doopa. Da baula bu ii madapa,’ attem.

Esekiel 34:11

Anam amu, Naɗi Yawe Nug inam atte. “Gumak danab nau ag amu baula ii hemana. Aɗinu? Da dakka da wain, sipsip dahilad ag matatun gona, piɗe piɗe daatteb amu, da ag mattialatte anatten, da diie atognoadkkul.

Esekiel 34:20

Anam amunu, Naɗi Yawe Nug laa eheɗ hetteb ele amelagppa inam atte. “Antteg! Da dakka, da sipsip atten nug titiɗak, sipsip atten am ebehitak ele daatteb epeɗiadkkul.

Esekiel 5:8

Anam amunu, Naɗi Yawe, Nug inam ele atte. “Ag anam heegeg, da, da ahilag hak amunu eheɗ doyeye ool ii madattem amunu, da wan laihnu danab ag, ag neekkadna daappeg, da bu madakkul.

Esekiel 6:3

Na nai mattinna, na inam a! ‘O Israelnu qauko, ag Naɗi Yawe, ag nuhig nai doyeg!’ Naɗi Yawe Nug qauko okkai, qauko nakok, oolnu noak nakok, oolnu noak okkai ele, Nug ahilagnu inam atte. ‘Da ahilagppa ban hein, da heppi, kayak hambuppuak dilag mettid lag nakok ahilagppa daatteb amu, lag amu oh nauhna autna aoglag.

Hosea 5:14

Aɗinu? Da laion laa bia Israel danab oolagppa daakkul. Ao, da laion bau bia Juda danab oolagppa daakkul. Da laion nug doɗ awa kattiɗe, huppu naunau nette, amubia geha da Israel, Juda ele kattiɗatppi, naunau nepeɗ, da anam uuatppi daaglah. Ao, da laion ɠagattagnab nug doɗ laa qewowa, lakkunu mawa gotte, da amubia heppi, laa ehanatkkunu laa ii daama.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Amos 9:6

Naɗi, Nug Yawe Nukka Ɠagattag Oh Ele, Nug lag enanagnab, attan tak nuhig hab attan appa batak babaittom; lag amunu men ukku wanppa daatte. Nug yuppan le ita, wanppa gokkaɗe, le amu wan tonatte. Nug onig am Yawe.

Matyu 24:39

Ag amu henana, hiɗ bekkunu dab-ii-mettaegeg, hiɗ ba diia ukkom, amubia Danab Bekkalag da, da uɗikkul haenppa, ag anamib daaglag.

Luk 17:27

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

1 Pita 3:20

Ouɗi amu ag am danab anukka Noanu haenppa Kayak oɗe dim ii lamitteg, Kayak Nug pahanab ahilag nob nau madakkunu ii dabmeum. Iitta. Nug oo bodoettak dayeye, Noa nug uub itom. Uub amuppa amu danab ah eblaih ewam ele ag akka ooppa nona daanna, ag danab ah nau ele ouqena, ag ele padal memananu ag leppa ehanittak aoppig.

2 Pita 2:5

Amu Kayak Nug he, Noanu haenppan danab laa ohnab iite padal meppig? Yo, Noa, nug am genab tutukku hak kobolnu mehuqak danab amu, Kayak Nug nug, amu eblaih aɗit ele laa ag akka aakkuib atognoattom; danab laa oh, ag am Kayaknu nuhig haknu ele uuak danab amu, le hiɗ naɗippa padal meppig.