Genesis 6:13 - Nobonob Baibel

¹³ Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Genesis 6:13 ပူးပေါင်းရင်းမြစ်များ

Genesis 49:5

Aria, Simeon, Lewi ele aa am eamag. Amu aa ɗo tutukku ii dim lamidya, ban eheɗ hepiɗ.

Genesis 6:14

Da anam hekkul amunu, na ad saiprus aona, ad amuppa na uub nahip itakkut. Uub ooppa dayak aben aben hattona, ooppa, dimittim ele na kol tar laitte!

Genesis 6:4

Haen amuppa, dimppa ele, danab beɗulkad okkai okkai ele, Nepil buɗub atteb, ag wanppa daappig. Aɗinu? Kayak bekkod ag wanppan ah diieg, ag ele oiyegeg, ah ag nid danab menuadppig ele, danab amu ag nai alagppanu danab onilkad okkai okkai ele.

Genesis 7:21

amunu keeke bau wanppa oippig am mauhppig; amuam ai, doɗ aabppanu, doɗ dakkuɗ, doɗ naunau huanaknab wan qaɗeppa oitteb, amu danab ele, ag oh mauhppig.

Genesis 7:23

Yawe Nug he, danab, doɗ, ai, doɗ laa ag oolag wan qeeqe oitteb ele, amu oh iitta maadna malappig, amge Noa, nuhikkudppa ele, agib ii mauhppig.

Genesis 7:4

Aɗinu? Deɗ eblaih aɗit uueb amu, da heppi, gu okkai na, amun 40, tuqan 40 ele daakku amunu, keeke oh da hatti, wanppa bau daatteb ele, am iitta mekkulag,” awa aum.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

Aisaia 34:1

Danab ah wan atu ohppanu ag gumiɗna dona, nai doyeg! Ao, ag wan atu ohppan danab ah, ag daulag human, nai doon, dabmetteg! Ag wanppan danab ah oh, wanppan keeke laa oh ele ag doyeg! Ao, wan atu ohppa danab ah, wanppan keeke ele, ag doyeg!

Jeremaia 51:13

Ag Babilon danab ah, ag le okkai Yupretis, amu le naunau kuɗum ele daugppa daatteb, ag en huanak ele, amge ahilag gog tak haen aakku uɗiom daatte. Kekeɗ ag heppeg, ag padal mekkulag.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Amos 8:2

Nug ippuniɗa, da oɗ meɗom. “Amos, na aɗi anidttem?” awa oɗ meɗom. Oɗ meɗe, da ami. “Da kaleg laa, ad meu lep mak inak ele daatte anidttem,” awe ami. Da anam ai, Yawe Nug da amelppa aum. “Israel danab ah ag hipunin heegeg, ad meu lep meum, haen amuppa danab aotte, amubia ag bu awaknu haenppa aakku daatteb. Da uuadppi baula hamu ii oimna. Da bu madakkul.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!