Genesis 50:5 - Nobonob Baibel

⁵ “Da mamel nug mauhak haen nuhigppa da amelppa inam aum. ‘Da mauhkkul hettem amunu, na da Kanan wanppa, boumak aben da bappaidmi ele, na appa boumiɗkkutnu nahip nai ɠagattag qena, appe doyei!’ awa aum. Nug anam aum amunu, da dahil nai ɠagattag qein, da anam mattimi amunu, da anam hekkulnu ool daatte. Na appe, da ukke, Kanan wanppa da mamel boumoya, da eɗuen uɗikkul.” Josep nug anam awa atte,’ aon aeg!” Josep nug ag Paro amegppa anam akkulagnu ag amelagppa anam awa aum.

Genesis 50:5 ပူးပေါင်းရင်းမြစ်များ

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Genesis 48:21

Israel nug itittak ena nai mattia malowa, nug Josep amegppa aum. “Mauhak dahil am miag, amu da mauhppi, dimppa dimppa Kayak Nug ag buɗulkad aɗi omalatteb, na mamenad dilag wan Kanan, ag appa gokkulag

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Genesis 50:4

Aria, oo doyak haen iitta me amu, Josep nug Paronu ehanittak anuqak danab amelagppa aum. “Ag oolag dahilnu ena daatte dayeb amu, ag dahilnu inam hekkulagnu ool daatte. Ag gona, Paro amegppa inam appeg dookku. ‘Josep nug inam atte.

Genesis 50:6

Josep nug anam a, ag gona, Paro amegppa anam aeg amu, Paro nug Josep amegppa aum. “Na mam he, na nahip nai ɠagattag qena ame amu, na ame, amubia na gona, appa na mamen boume!” awa aum.

2 Stori 16:14

Amu Asa nug ii mauhom haenppa nug he, danab ag nuhig boumak aben menppa hoippig. Men moɗ amuam Dawitnu Aab, aab amuppa dayom. Amu Asa nug mauhe, ag nug aguppa boumna, ag spais, keeke muttuɗig enanag laala ele kuɗumnab amuppa meeg dayeye, ag aab naɗi nug binag mekkulagnu ilappig.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Sam 79:3

Ag danab ah kuɗumnab aqaeg, tiilag am le bia Jerusalem talilittak, appa neum; auntai laa mauhppig boumattaknu ii dayom.

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Eklisiastis 6:3

Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Aisaia 22:16

‘Sepna, na ⌊hee, maɗi nid nahip ag men oɗe enanag⌋ nahip boumak aben daakkunu aoeg, nahip boumak aben aakku heppig. Ao, na gaɗan aben ⌊enanagppa⌋ daakkunu na ⌊hee, danab ag⌋ men oɗe amu hoieg ukke daatte. ⌊Amge⌋ na ippa aɗin daattem? Ippa na laipad laa elete, amunu na nahip boumak aben anam iikku bappaidme?’ ” awa aum.

Matyu 27:60

Nug itowa, nuhig moɗ bau menppa babaittom amuppa meum. Mewowa, men okkai laa buɗibɗib mette ukka, moɗ oɗe qehakkom. Nug anam hewowa amu, nug ukkom.

Duteronomi 4:22

Da ii nopanu aum amunu, da wan imuppa mauhkkul. Da Jodan le ii mataɗpa. Amge ag am wan aoppeg, ahilag daakkunu Jodan mataɗna wakkulag.

1 Samuel 14:43

Anam be amu, Saul nug Jonatan amegppa aum. “Na aɗi heme amu, na appe doyei!” awa aum. Nug anam a, Jonatan oɗeppa awa aum. “Da uppuh leppu nakokib dudqak hokkat dahil igippa ye, awen lami. Da amu hemi amunu, da gemu da amunu mauhkkulnu daattem amunu, da mauhkkul,” awa aum.