Genesis 50:25 - Nobonob Baibel

²⁵ Josep nug anam awowa amu, nug tuɗitta, Israel bekkod laa, amuam nug awakkud amag ele amu, nug ag amelagppa aum. “Kayak Nug ag ehanatteb, ag wan imu uun gokkulag amunu, dimppa ag gokkulagnu haen amu, ag gonana, ag da gaɗal ele maon gona, Kanan wanppa boumkkulagnab daatte,” awa aum. Nug anam ana, nug ag amu hekkulagnu ahilag nai ɠagattag qena amegppa akkulagnunab he appig.

Genesis 50:25 ပူးပေါင်းရင်းမြစ်များ

Genesis 50:5

“Da mamel nug mauhak haen nuhigppa da amelppa inam aum. ‘Da mauhkkul hettem amunu, na da Kanan wanppa, boumak aben da bappaidmi ele, na appa boumiɗkkutnu nahip nai ɠagattag qena, appe doyei!’ awa aum. Nug anam aum amunu, da dahil nai ɠagattag qein, da anam mattimi amunu, da anam hekkulnu ool daatte. Na appe, da ukke, Kanan wanppa da mamel boumoya, da eɗuen uɗikkul.” Josep nug anam awa atte,’ aon aeg!” Josep nug ag Paro amegppa anam akkulagnu ag amelagppa anam awa aum.

Eksodas 13:18

Amunu Kayak Nug Israel omalatte, ag talilin, atu taɗakppa ukkaknu ibppa gona, Le Kokoɗppa noppig. Ag Isip uun gonana, ag ban haknu keeke ele maon oippig.

Eksodas 13:19

Ag gonana, ag Josep ebehi ele maon goppig. Aɗinu? Anukka Josep nug Israel bekkod laa amelagppa aum. “Geha dimppa Kayak Nug ag Israel, ag Isipnu eɗua diia gokku amunu, haen amuppa ag da ebehil ippanu aon ele ukkeg!” awa aum. Josep anam awa ana, nug he, ag amu hekkulagnu nai mattin, ɠagattag qedappig. Ag anam appig amunu, Moses he, ag Josep ebehi ele maon goppig.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Aposel 7:16

Ag mauhatteg, gaɗalag amu ag eɗun akkan gona, Sekem matmatppa boumadppig. Anukka Abraham nug silwa men doɗoppa wan amu Hamor buɗub, danab amu ag eppelagppanu awom.

Hibru 11:22

Josep nug Kayaknu ooppa genab doyom amunu, haen nug mauhkkunu haaha amu, nug Israel ag dimppa Isip uun ahan gokkulagnu ana, nug beɗu attem boumkkulagnu ele aum.

Josua 24:32

Amu Israel ag Isip uun beppig, haen amuppa ag Josep ebehi ele maon uɗippig. Ag maon uɗin, Kanan wanppa Sekem guguittak, appa boumppig. Ag memetalag anukkanu Jakop, nug wan amu aokkunu, nug Hamor bekkod silwa men doɗo 100 matta awom. Nug wan amu awom amu, ag aguppa Josep ebehi boumppig. Anam amu, wan amuam Josep buɗubnu wan, ag aulag aakku dayom. Hamor am Sekem mameg.

Rut 1:6

Aria, Naomi nug anam Moap wanppa dayaya, nug, “Yawe Nug danab ah nuhikkud, Israel wanppa daatteb, Nug he, enug haen iitta me, Nug ag ehanatta, ee madatte,” nai amu nug doyom amunu nug, nug ahipoɗ ele ag eɗun, Juda wanppa gokkulagnu bappaidppig.