Genesis 50:18 - Nobonob Baibel

¹⁸ Aria, ag anam hena, dimppa ag Josep gumidna gona, nug noobppa ag laippun gatelag qaun ona, gomelna, iɗulag wanppa mena, ag appig. “Ig begbeg maɗi nid nahip daattem,” aon appig.

Genesis 50:18 ပူးပေါင်းရင်းမြစ်များ

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Genesis 41:43

Palitteg, Paro nug oiyaknu karis laa, karis amuam danab aun Paro nugib Isip wanppa eɗittom amu, nug amuppa oikkunu dayom, nug karis amu awa, Josep mette, nug amuppa oiyom. Amu Josep nug oiyaknu karisppa ugekke, Paronu daup danab laala ag danab ibppa oippig, ag qemekkulagnu eegeg, Josep nug ukkom. Paro nug anam heum amunu, Josep nug Isip wan ohnu gawana dayom.

Genesis 42:6

Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.

Genesis 44:14

Aria haen Juda awakkud amakkud ele ag eɗun, Josep laugppa ukkaeg, Josep ii ahom, appa dayeye, ag nug noobppa gatelag qaun ona, gomelna, iɗulag wanppa meppig.

Genesis 45:3

Anam gayowa, Josep nug awakkud amag ele ag nailagppa ag amelagppa aum. “Da am Josep.” Anam ana amu, nug ag oɗ mattom. “Da mamel nug genab uma daattete?” Nug anam oɗ mattom, amge Josep awakkud, amag ele ag eheɗ nau baɗappig amunu, ag nai laa ii appig; toettan daappig.

Genesis 50:17

‘Da mauhppi amu, ag Josep amegppa inam appeg dookku. “Da na mamen Jakop, da na awanad, ag nahip-ppa eheɗ heppig amu, na amu dilag hipunin uhuqna madakkutnu oɗ medattem,” awa aum.’ Nug anam aum amunu, na ig, na mamennu Kayaknu maɗi nid, na ihinig hipunin uhuqna megakkutnu oɗ medattem,” aon appig. Ag anam aeg amu, Josep doya, nug gayom.

Genesis 50:19

Ag anam aeg amu, Josep nug aum. “Da Kayak iitta amunu, ag aib baɗappig.