Genesis 50:15 - Nobonob Baibel

¹⁵ Jakop mauhe, bekkod Kanan wanppa boumona, ag eɗun Isip gona, dimppa haen Josep awakkud ag mamelag mauhom dabmena amu, ag akka akka nai inam madippig. “Josep nug ig keeke oh nuhigppa hemut, amunu ooppa aikkak dayeb amu, nug nob megakkutai,” aon appig.

Genesis 50:15 ပူးပေါင်းရင်းမြစ်များ

Genesis 37:18

Amu Josep anam ugekke, nug awakkud ag neekkeg ukke, Josep nug uma uɗieye anidna, ag qekkulagnu nai inam akka akka madippig.

Genesis 37:28

Ag nai anam qakkaeg, Ismael buɗub ag keeke laihnu awa dadennu mak danab amu, ag uɗieg, Josep awakkud ag Josep humaeg be, Ismael buɗub mattaeg, ag 200 gram silwa madappig. Anam daden mewona, ag aon Isip goppig.

Genesis 42:17

Nug anam awowa nug he, laa ag diin, maniguittakppa maatteg, deɗ ewam daappig.

Genesis 50:14

Aria, Josep nug mameg boumowa, nug eɗua Isip ukkom; nug, nug awakkud amag ele, amu danab laa oh goppig ele, ag oh eɗun, Isip goppig.

Genesis 50:16

Ag anam awona amu, ag nai imu Josep dookkunu meeg ukkom. “Na mamen ii mauhom, haen amuppa nug nahipnu nai inam amenigppa aum.

Sam 14:5

Ag anam hetteb, amge Kayak Nug laa ag genab tutukku hak kobol dim lamitteb, Nug ag ele daatteb amunu, Nug geha heeb, nau hak danab amu ag eheɗnab baɗaglag.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Lewitikas 26:36

Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag.

Rom 2:15

Anam amunu, ahilag kobol anamppa Kayak Nug ɗo ig aɗi hekkunignu ippunigtte ag oolagppa yom amu aakku miag atitte. Amu ag ahilag ooppan oiyak ippunittaknu ulum ele ɗo amu aakku yom daatte miagib atte. Aɗinu? Ulum amu nug haen laala dabmak ahilagppa, kobol ag hetteb epeɗiattatta, ag eheɗ hetteb ippuanatta, amu haen laala kobol ag hetteb ele amu, elelenab ippunadtte.