Genesis 50:10 - Nobonob Baibel

¹⁰ Ag gona, Atatnu ee aeg mumuɗaknu abenppa teppig. Aben amu le Jodan guguittak dayom. Haen ag appa tena amu, ag mahittak guittak ele heppig. Amu Josep nug mamegnu deɗ eblaih aɗit ele oo doyak doyaya, appa dayom.

Genesis 50:10 ပူးပေါင်းရင်းမြစ်များ

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 50:11

Ag Atatnu ee aeg mumuɗaknu aben appa huan mahiegeg, Kanan danab ag anadna amu, ag appig. “Isip danab ag oo doyakppa mahitteb,” amunu ag aben amu onig Abel Misraim ataɗppig. Abel Misraim am le Jodan guguittak dayom.

Genesis 50:4

Aria, oo doyak haen iitta me amu, Josep nug Paronu ehanittak anuqak danab amelagppa aum. “Ag oolag dahilnu ena daatte dayeb amu, ag dahilnu inam hekkulagnu ool daatte. Ag gona, Paro amegppa inam appeg dookku. ‘Josep nug inam atte.

Genesis 50:9

Josep nug mameg gaɗa awa ugekke, Isip dilag daup ag bannu karis attan daan, ban hetteb, daup ag hos attan daan, ban hetteb ele, ag nug ele oh goppig. Danab huanak ag goppig.

2 Samuel 1:17

Amu Dawit nug anam hewowa, nug nai oo doyak ele Saul, nug bekka Jonatan ele dilahnu mattiom.

2 Samuel 11:26

Aria, Uraia mauhe, nug wau Batseba doya, nug gamu mahittom.

Job 2:13

Ag anam hena, ag Job nug guittak naɗi, nau ele doyom anidppig amunu, ag wana, wanppa heɗep nena daanna, ag nai nakok laa ii mattieg ukke, deɗ eblaih aɗit, tuqan eblaih aɗit ele ag anamib bakkum daappig.

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Namba 19:11

Aun laa nug danab mauhak gaɗalag aɗatte amu, nug deɗ eblaih aɗit ele da Kayak ele ouqa dayaknu elele iitta daakku.

Namba 20:29

Haen aa qaukoppanu neya, Aron mauhomnu Israel danab ah amelagppa aeh, Israel danab ah oh ag deɗ 30, nug mahittak heppig.

Duteronomi 1:1

Buk imu amu Israel danab ah ag laih Jodan lenu kaɗag uɗitteppanu, appa atu onig Araba, appa daaegeg, Moses ag amelagppa nai mattiom ippunigtte. Ag haen tutu dayaknu aab Araba appa, Sup guguittak kalan daappig. Paran amu ag heqolag laih dayeye, Topel, Laban, Haserot, Disahap ele amu heqolag laih daappig.

Duteronomi 34:8

Israel danab ah ag deɗ 30 oh Moap atu uɗemppa, appa Moses mahidnana daappig. Ag ahilag kobol dim lamidna, nuhig mahittak heeg ukke, amu haen malakkunu te, ag malappig.

1 Samuel 31:13

Ag mauhak gaɗalag amu manatteg ewe, danab manadppig ebehilkad amu akkan, ad tamarisk laa Jabes daatte, amu waappa boumadppig. Ag boumadna malona, ag ee ohnu kud mena daaeg ukke, deɗ eblaih aɗit ele uue, ag eɗun ee lappig.