Genesis 5:1 - Nobonob Baibel

¹ Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

Genesis 5:1 ပူးပေါင်းရင်းမြစ်များ

Genesis 10:1

Le hiɗ dimppa Noa bekkod Sem, Ham, Japet ele ag ele nid menuadppig, amu ag buɗulkad am inam.

Genesis 2:4

Digmakppa Yawe Kayak Nug hab wan ele haate, amu dimppa aɗi beumnu kaya am iikku. Yawe Kayak Nug hab, wan ele haatom, haen amuppa amu, wanppa keeke laa ba ii dayom. Aɗinu? Gu nekkunu amu, Yawe Kayak Nug he ii neum, amu danab laa ele wan bappaidkkunu ii dayom. Amge le wan ooppanu baaba, wan leppu medattom.

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

1 Stori 1:1

Adam bekka am Set. Set bekka am Enos. Enos bekka am Kenan.

Eklisiastis 12:1

Na kaino mena, uug digdig anidkkut. Ao, na kaino mena, na, “Da gemu dahil oiyaknu ool ittag ii qette,” akkut, amunu gemu, haen amu ii uɗiom daatte, na gemu na nid bau daanna; na laa Nug na heittom ele amu, na Nug dabmette!

Eklisiastis 7:29

Imuib da mattie antten malami. Kayak Nug danab he, ag genab tutukku hak danab daappig; amge danab ag dabmak nau kuɗum dim lamidna, gemu ag eheɗ oitteb,” awe attem.

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

1 Korint 11:7

Aria, danab nug ikki aib hautom. Aɗinu? Kayak Nug danab Nug bia heum daatte, amu lettod amahlak awa he, amimia gotte, amubia danab nug Kayak binag amahlak oppiaawak awa he, laa anidtteb. Aria, lettod amahlak awa he, amia gotte amu, ah nug gamu binag amahalak oppiaawak ele awa, anam hette amunu, ah ag ikkilag hauteg!

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Epesus 4:24

Laa amu, ag oolag bau, Kayak Nug, Nug bia, genab tutukku hak kobol dim lamitta, Kayaknu oppiaawak ele daakkunu babaittom amu, ag amu aon, danab bau oiyeg!

Kolosi 3:10

ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 12:9

Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.