Genesis 49:6 - Nobonob Baibel

⁶ Ahilah nai mattiakppa da ii daapa. Ao, da ahilah qagmakppa ii gopa. Aɗinu? Aa oo nauhakppa danab aqaeh mauhppig. Ao, aa oo hak ahilah dim lamidya, makau okkai ebehi ele beɗulag hamu heeh nauhppig.

Genesis 49:6 ပူးပေါင်းရင်းမြစ်များ

Genesis 34:30

Anam heeg amu, Jakop nug Simeon, Lewi ele amelahppa aum. “Aa heeh, da onil ippa Kanan, Peres ele danab amelagppa nauha autanab awom. Da dahil daup kuɗum iitta amunu, ag banenig uɗiglagnu qagmena, uɗin iqappeg, ig oh padal mekkunig,” awa aum.

2 Samuel 8:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

1 Stori 18:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Sam 103:1

Da Yawe onig humakkul. Ao, da ool unuqag, meul oh ele, da amuppa Yawe onig oppiaawak ele humakkul.

Sam 139:19

O Kayak, na nau hak danab hadappe nauhkkulagnu ool hette! Ge, ag danab ag laa aqatteb ele, ag da uuiɗna, laih ukkeg!

Sam 16:9

Diig amunu da ool gamag ahehe, da oo gamag ahak ahi edattem. Ao, da dimppa ena daakkulnu doottem.

Sam 26:9

Na hipunin danab eheɗ hadappe nauhppeppeg, na ag da ele oh hegappe, da ag ele oh nauhkkunignu ii hemananu oɗ medattem. Ao, na danab ag lailkad aqaeg mauhtteb ele eheɗ hadappe mauhppeppeg, na da ag ele oh hegappe, da ag ele oh mauhkkunignu ii hemananu unuqidttem.

Sam 28:3

Na da am nau hak danab ele oh bu mekkamnanu oɗ medattem. Ao, na da danab ah eheɗ hetteb ele laippu bu mekkamnanu unuqidttem. Ag am lailkad mudippan laippu ele nai ena maditteb, amge ag, ag ele nai mattinna amu, ag aɗi eheɗ ahilagppa hekkulagnu oo maittak aotteb.

Sam 30:12

Na da humittak ahi nahipnu edette, bakkum ii daapanu oot heum amunu, na anam heme. O Yawe, dahil Kayak, da geha na amenppa, “Ena heme,” hanhan akkul!

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Sam 42:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkunu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 5:10

O Kayak, na epeɗiadna, ag eheɗ hetteb appe, miag atiak daakkunu oɗ medattem. Ao, ag laa dilag pelem metteb amu, ag pelem amuppa nokklagnu unuqidttem. Ge, ag na waatppa ii daan, tappe nak hetteb amunu, na hipunin ahilag kuɗum, na amunu lamadppe, ag laih gokkulagnu ool daatte.

Sam 57:8

Da dakka dahilnu attem. “Na ahe!” Ao, harp, laia ele ⌊aa danab daaloplob, da ahilahnu; “Aa musik hekkulahnu⌋ aa ahai hibaitteɗ!” awe alom. Da buttuanab ahen, aam ii bak haenppa musik haknu keeke ahi laala hadappi ukkeb, aam bekku.

Sam 64:2

Nau hak danab ag eheɗ heiɗkkulagnu maidtteb; na heppe da ag eppelagppa ii daapanu oɗ medattem. Ao, na ehaniɗppe, da danab ag muttub qenan, eheɗ hetteb amu, da eppelagppa ii daapanu unuqidttem.

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Prowerb 12:5

Genab tutukku hak danabnu maittak awak am nai doya mala hettoɗia epeɗia elele mettak kobol dim lamidtte; amge nau hak danabnu ulum nai am hambuppuak ele.

Jeremaia 15:17

Amu da danab ag oo gamag ahaknu qagmak muttub qak eleppa daatteb amu, da ag ele amuppa ii daamut. Da ag ele daata, ool gamag ii ahom. Na da nahip nai dookkulnu otiɗna hee, danab ah dilag eheɗ haknu oppoɗi bak doomi amunu, da ag uuatten, da dakka daami.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

2 Korint 6:14

Laa nug Jesusnu ooppa genab dootte ele, nug laa, Jesusnu ooppa genab ii dootte ele, nug nug ele layamnab aib dayom. Amu elele iitta. Aɗinu? Genab tutukku hak kobol, amu nau hak kobol ele aa oh laippu ouaqataknu elelete? Amahlak amu gatatu ele oh laippu ouqettepte?

Duteronomi 27:24

Appeg, Lewi buɗub ag inam akkulag. “Aun laa nug danab laa lokkumakppa qette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab anam dayaɗ,” akkulag.

Josua 11:9

Ag oh aqan malona amu, Josua nug hos, ⌊ag baula banppa oiyaknu elele iitta daaglagnu,⌋ nug ag baelkad bittub diɗilkad otaɗatta, nug kekeɗ dilag bannu karis oh manatte ewadppig. Yawe Nug anam aakku hekkunu a amu, nug anam aakku heum.

Ikki Danab 5:21

Kison le nug kekeɗ ⌊ag mattadna wakkulagnu heegeg,⌋ diia ukkom. Ao, Kison le, le amu nug appa haen elabnab daatte, le amu ag diia ukkom. Ge, ⌊Yawe Nug he, keeke amu oh ehanigppig amunu,⌋ da aib bahil yom. Iitta! Da ɠagattag doyen, ahe, ban hei!