Genesis 49:3 - Nobonob Baibel

³ Ruben na am dahil nid naanaeg. Ao, na am matunu amunu, na da abenal aon daakkutnu daame. Da danab memi amu, keeke amunu na at daattem. Ao, na binan okkai, ɠagattag ele.

Genesis 49:3 ပူးပေါင်းရင်းမြစ်များ

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

Genesis 46:8

Israel buɗub, amuam Jakop bekkod, Isip goppig ele, ag onilkad am inam. Ruben nug nid naanaeg; nug nid danab.

Genesis 48:18

Josep nug Jakop eppeg aɗaɗa amu, nug aum. “Mama, na eppen pehettak ii meme. Aɗinu? Manase nug am naanaeg. Na eppen naɗiap nug igippa me!” awa aum.

1 Stori 2:1

Israel bekkod am inam; Ruben, Simeon, Lewi, Juda, Isakar, Seblon,

1 Stori 5:1

Ruben, nug am Israel bekka naanaeg. Nug nid danab naanaeg, amge nug kobol dubuttid ele he, nug mameg wau amge waunab iitta, nug nug ele niipiɗ amunu, ⌊Jakop nug⌋ nid danab naanaegnu binag nuhigppa dayom aɗitta awa, nug bekka Josep bekoɗ matom. Amu diig amunu, Jakop bekka naanaeg, Ruben, nug nid danab naanaeg, amge nug onig nid danab naanaeg abenppa ii daatte.

1 Stori 5:3

Amu Ruben, Israel nid naanaeg, nug bekkod am Hanok, Palu, Hesron, Karmi ele.

Sam 105:36

Nug anam ha male, Yawe Nug nid ⌊danab⌋ tatamnu Isip dilag oh aqom. Nug baelkadppa anen anenppa nid danab tatamnu, nid amu nug anig mameg nuhigppa nid danab menuadkkulahnu digmepiɗ ele amu, Nug nid ⌊danab⌋ amu oh aqom.

Sam 78:51

Kayak Nug Isip danab ah dilag nid ⌊danab⌋ tatamnu he mauhppig. Ao, Isip danab ag am Ham buɗub, amu Kayak Nug he, ahilkad nid danab tatamnu oh mauhppig.

Namba 1:20

Ruben, nug Israelnu nid danab tatamnu, amu ag nuhig huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqadppig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Ruben, huu amuppa, danab amu 46,500 daappig.

Namba 26:5

Laa imuam Ruben buɗub; Ruben nug Israelnu nid danab tatamnu. Aab ikki laa onig am Hanok. Ag anukkan memettalag onig Hanok. Aab ikki laa onig am Palu. Ag anukkan memettalag am Palu. Aab ikki laa onig am Hesron. Ag anukkan memettalag am Hesron. Aab ikki laa onig Karmi. Ag anukkan memettalag am Karmi.

Duteronomi 21:17

Kobol daatte am inam; mameg nug aug kuɗum nid ⌊danab⌋ tatamnu medakkuoitte. Nug nid ⌊danab⌋ tatamnu keeke aɗit aɗit batak medatta, bekka gehanu amu laippu laippu anam medakkuoitte. Nid danab tatamnu am danab oh dilag nid danab tatamnu bia, nug mamegnu ɠagattag ippunigtte, amu kobolppa nug aɗi aokkunu daatte, amu nuhigppa daatte. Amu genab, mameg nug bekka aug keeke kuɗum medatte ele amu, nug nug anignu oo huana ii mauhtte me, nug am nid danab tatamnu daatte amunu, nug aug anam aokku.

Duteronomi 27:13

Aria, Israel dilag huu okkai Ruben, Gad, Aser, Seblon, Dan, amu Naptali ele, ag am qauko Ebal appa, eheɗ laa awaknu anak waappa dayaknu nai akkulagnu dayeg!

Duteronomi 33:6

Moses nug anam mattia, nug nai tuɗitta, nug Israel dilag huu okkai Rubennu inam aum. “Israel dilag huu okkai Ruben danab ah, ag daanna, ii iitta memananu ool daatte. Ruben huu am kuɗumnab iitta, amge ag iitta mekkulagnu ool ii daatte,” awa aum.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.