Genesis 49:27 - Nobonob Baibel

²⁷ Benyamin, nahipnu amu, na am doɗ wulp, enug eheɗ qette ele, na amubia daattem. Buttua na ban henana, kekeɗ eɗadttem. Ao, tueb na banppa keeke aome amu, na keeke amu paniadttem.” Jakop nug anam awa aum.

Genesis 49:27 ပူးပေါင်းရင်းမြစ်များ

Genesis 35:18

Nug anam a, Rahel nug mauhkkunu miag dayom amunu, nug nid onig Benoni ataɗom. Ataɗom, amge Jakop nug onig Benyamin ataɗom.

Genesis 46:21

Benyamin bekkod onilag am Bela, Beker, Asbel, Gera, Naman, Ehi, Ros, Mupim, Hupim, Art ele.

Genesis 49:26

Na mamen nug itittak ena okkai okkai awom. Ao, nug itittak ena huanak awom. Amu itittak ena amu oh ag na, Josep, ag nahip-ppa daaglagnu ool daatte. Ao, Josep, na, na awanad, amap ele oolagppa, na okkai daanna, itittak ena amu oh aokkutnu ool daatte.

Genesis 49:28

Amuam Israel dilag huu okkai 12, amu ag mamelag itittak ena mattom, am anam. Ag itittak ena piɗe piɗe, anen anen, ag diilag bia elele aoppig.

Jeremaia 5:6

Danab ah imu oh ag anam hetteb. Ag Yawe oɗe huana tappaeg nette. Ao, ag haen kuɗum tuɗidna, Yawe dimettona kayak hambuppuak laala dim lamadtteb. Anam amunu, kekeɗ ag laion laa atuppanu uɗia, doɗ, o danab qe mauhtte bia heppeg nauhkkulag. Doɗ wulp, nug atu taɗak appanu uɗia, doɗ, o danab qe mauhtte bia kekeɗ ag heppeg, danab ah imu ag nauhkkulag. Doɗ laa onig lepad, pusi okkai amu, nug aab guguittak dayaya, aun laa aab dimittim uɗikku amu, doɗ amu nug aha, danab amu aɗa he, nug beɗu huppu naunau na niitte, amubia kekeɗ ag heppeg, danab ah imu ag nauhkkulag.

Esekiel 22:25

Amu laion laa nug gaya, doɗ laa qa latte, amubia Israel dilag anuqak danab ag dabmak laippu mena, ag danab ah heeg nauheg, ag danab ah dilag en keeke, keeke awaknu men doɗo okkai ele, ag keeke amu oh yab aona, ag danab kuɗum ele aqaeg, waalkad ag ah qab daatteb.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Namba 1:36

Ag Benyamin huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Benyamin, huu amuppa, danab amu 35,400 daappig.

Namba 23:24

Danab ah ag laion anig laa ahe anidna baɗatteb amu, Israel danab ah, ag am laion amu laa bia. Yo, danab ah ag laion laa niiom ahe anidna baɗatteb amu, Israel danab ah ag am laion amubia. Laion ag doɗ laa qena lawona, ag hik aotteb. Genab, laion ag doɗ laa qena lawona, ag toettan daatteb amu, Israel ag anam daatteb.” Balam nug anam awa aum.

Namba 34:21

Kislon bekka Elidat. Nug am Israel dilag huu okkai Benyaminnu.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Aposel 20:29

Amu da doottem, da ag uuatten goppi, dimppa hambuppuak ippunittak danab, ag wulp bia, geha ag tamaniak oolagppa bena heppeg nauhkkulagnu hekkulag.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 9:1

Amu haen gamag amuppa ele Saul nug danab ah Jesusnu oolagppa genab dooppig ele, nug ag aqeb mauhkkulagnu, nug ɠagattag anana, wagai ma haaha, nug mana mettak ikki danab gumitta ukka

Duteronomi 33:12

Moses nug Lewi buɗubnu anam awowa, nug Israel dilag huu okkai Benyamin dilag imu aum. “Yawe, Nug Benyamin danab ah dilagnu oo mauhtte. Ag nuhigppa baɗak iittappa daatteb. Aɗinu? Nug deɗ oh amun tuqan ele ag taliliatta daatte. Ao, Nug ag guittak aomnanu, ag aɗualatta dayaya, tuɗid ele dabmadatte,” awa aum.

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.

Ikki Danab 20:21

Ag banelag heppig, amge Benyamin ban danab ag aab Gibeanu dimittim uɗin gona, Israel ban danab 22,000 deɗ amuppa aqappig.

Ikki Danab 20:25

amge Benyamin danab ag ahan, Gibea aab dimittim banelag uɗin, ban hena, ag Israel danab 18,000 baula aqappig; danab amu oh ag qep elab aɗappig.