Genesis 49:22 - Nobonob Baibel

²² Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

Genesis 49:22 ပူးပေါင်းရင်းမြစ်များ

Genesis 41:52

Nug wau nug nid danab gehanu menue amu, Josep aum. “Kayak Nug wan imuppa anukka uug nau doomi ele amu, Nug ippa ehaniɗe, da gemu nid aɗit ele,” awa aum. Nug anam aum amunu, nug nid onig Epraim ataɗom.

Genesis 46:27

Jakop bekka Josep nug Isip ah awom amu, appa nid danab aɗit meunatpiɗ. Nid aɗit amu, aa mamelah, aa alalah, laa oh ele Isip wanppa daappig amu, ahilag ebqak oh amu 70.

Genesis 48:1

Aria, dimppa Josep nug mameg oɗe niieye nai doyom. Doya amu, nug aha, bekoɗ aɗit Manase, Epraim ele diiate goppig.

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

Genesis 48:5

Nug anam da amelppa a amu, da Kanan wanppa daaiyi, ah nahip nid danab aɗit, Epraim, Manase ele ippa Isip wanppa menuatom. Ippa menuatom, amge gemu da diiaten, dahil nidnab, Ruben, Simeon ele bia daaglahnu hettem.

Genesis 49:23

Josep nug nid dayeye amu, nuhig kekeɗ ag nuhigppa eheɗ heppig. Ao, ag nug kekeɗ mettan, baneb daan, nuhigppa eheɗ nau heppig.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 128:3

Am grep ena laa, nug grep meu huana otte, amubia na geha nid naunau kuɗum menuadkkut. Ao, olip ad, ita huana betteb, amubia nid naunau kuɗum na lautppa daaglag.

Sam 80:10

Grep amu okkainab me, qauko ag nug logoppa daappig. Ao, nug eppekkud ag ad sida okkai okkai amu teguadppig.

Esekiel 19:11

Muɗi amu ebekkud am okkai, teppu ele, kingnu qakun daaglagnu elele bena daappig. Muɗi amu okkainab ma, ad gog eɗitta te, ebekkud ele kuɗumnab daaegeg, diig aɗit amunu muɗi am miag atiak daye, danab ah ag anidppig.

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.