Genesis 49:19 - Nobonob Baibel

¹⁹ Gad, nuhignu amu, danab ag ban hena, danab aqadna, ahilkad keeke aotteb amu, danab amu ag nug baneb uɗiglag. Anam amge, nug eɗua lamatta, ban hekku.

Genesis 49:19 ပူးပေါင်းရင်းမြစ်များ

Genesis 30:11

Lea nug aum. “Imu enanag,” awa aum. Aum amunu nug nid onig Gad ataɗom.

Genesis 46:16

Aria, Gad bekkod onilag am Sipion, Hagi, Suni, Esbon, Eri, Arodi, Areli ele.

Genesis 49:20

Aser, nuhignu amu, nug ee enanag eppa meu aokku. Ao, nug ee enanag, king latte, nug amubia eppa meu aokku.

1 Stori 12:9

Gad danab amu dilag okkai am Eser. Nug okkai daye, nug waappa am Obadaia daye, amu nug waappa am Eliap.

1 Stori 5:26

Israel dilag huu okkai Ruben, Gad, Manase mahaib ele ag eheɗ amu heeg, Kayak, Nug Israel dilag Kayak, Nug he, Asiria dilag king Pul, nug onig laa am Tiklat Pileser, nug Asiria dilag king, nug aha, Israel dilag huu okkai Ruben, Gad, Manase mahaib ele eɗatta, appanu wan laappa diia ukka maatte, appa ag diia ukka laih me dayak danab ah daappig. Wan nug diia ukke daappig ele am Hala, Habor, Hara, amu le Gosan guguittak ele. Nug diia ukka, amuppa maatte daaeg uɗie, gemu ⌊nai imu yaak haenppa⌋ ele, ag appa ana daatteb.

Josua 13:8

Aria, Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan, Jodan laih kaɗag uɗitteppanu, ag aulag daakkunu amu, wan amu otia mattak, wan amu Yawenu maɗi nid Moses nug matu obata otia mattom.