Genesis 48:7 - Nobonob Baibel

⁷ Da Mesopatemianu Kanan uɗiyi, na anin Rahel nug Eprat, onig laa Betlehem, aab amu guguittak appa ibppa mauhe, da nuhignu oo doyak naɗi ele ib giginppa boummi,” awa aum.

Genesis 48:7 ပူးပေါင်းရင်းမြစ်များ

Genesis 25:20

Aisak nug maɗ 40 dayaya, nug Betuel aɗeg Rebeka awom. Betuel nug Aram ted Mesopatemianu, amu nug bekka Laban, Rebeka awag, nug ele amu Aram ted.

Genesis 33:18

Amu Jakop nug Mesopatemianu aha, Kanan wanppa Sekem enaib uɗiowa, nug aab okkai amu nakok guguittak haen tutu dayaknu aab kala dayom.

Genesis 35:20

Boumona amu, Jakop nug men laa awa, at daakkunu Rahel boumppigppa qappom; am gemu, ⌊nai imu yaak haenppa⌋ am ele daatte.

Genesis 35:9

Aria, Jakop nug Mesopatemianu aha, Betel uɗie, Kayak Nug baula gumitta na, ititta aum.

Genesis 48:6

Aria, na nid baula menuppe amu, ag nahipad daappeg, butti aɗi dimppa ag gona, wan awa otiak haenppa amu nid nahipad amu, ag awalti oolagppa wan aoglah.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Matyu 2:18

“Laa Rama appa gayeye dootteb. Ge, appa laa nug gayaya, eheɗ mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa aum.

1 Samuel 1:1

Aria, anukkanab, danab laa, onig Elkana, nug dayom. Elkana nug am Israel dilag huu okkai onig Epraim, nug amunu ted, amu nuhig aab ikki am Sup. Amu Elkana nug Epraim wanppa, qauko qauko daattebppa, nug aben amuppa aab laa onig Rama, appa dayom. Elkana mameg am Jeroham. Jeroham mameg am Elihu. Elihu mameg am Tohu. Aria, Tohu mameg am Sup.

1 Samuel 10:2

Amu gemu na da uuiɗna gona, na Benyamin wanppa aab onig Selsa, appa Rahelnu boumak aben guguittak, na danab aɗit uɗalah tekkut. Na uɗalah teppe, aa na amenppa akkulah. ‘Na mamennu donki madikkutnu ahan oime amu, laa ag donki amu eɗun anadppig amunu, na mamen nug donki dilag gemu ii dabmette. Iitta. Nug nahipnu oo uug dayeye, “Da bekkalnu amu, da attem hekkul?” awa atte.’ Aa na amenppa anam akkulah.

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.

1 Samuel 17:12

Amu Dawit mameg Jesi amu, Saul nug Dawit ukkeb, nug ele daaglahnu Jesi oɗ mette, nug ena aum amunu, nug ukke, Saul ele daapiɗ, dimppa amu nug eɗua mameg toppa ukka, nuhig sipsip guma, eɗua Saul toppa ukka ehanitta, eɗua ukka, mamegnu sipsip gumattom. Jesi nug am Betlehem danab, Israel dilag huu okkai Judanu; nuhig aab ikki am Eprata. Haen Saul nug king dayom, Jesi nug kaino meum. Nug bekkod nid danab am eblaih ewam ele. Dawit nug am huh bieg. Aria, nid danab tatamnu, nug dimugppanu, amu nug dimugppanu ele, ewam amu ag Saul dim lamidna, Pilistia ele ban hekkulag goppig. Nid danab tatamnu onig Eliap, nug dimugppanu onig Abinadab, amu nug dimugppanu Sama.