Genesis 48:4 - Nobonob Baibel

⁴ nug nai inam da amelppa aum. ‘Da heppi, na buɗunad kuɗumnab bena, huu okkai anen anen oh laippu daaglag. Wan imu amu, da na buɗunad madappi, ahilag wan hanhan daakku.’ Nug anam awa, da amelppa aum.

Genesis 48:4 ပူးပေါင်းရင်းမြစ်များ

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 17:13

Danab oh, ag laulkadppanu amu, ag gaɗa otaɗak aoglagoitte. Dahil nug tituana nai qakkaknu at iitta ii mema. Haen oh hebeppeg daakku.

Genesis 17:6

Da heppi, keeke ewam bekku. Laa amu, da heppi, na buɗunad ag kuɗum bekkulag; laa amu, da heppi, na wanppan wan laala kuɗum mamelag daakkut; laa amu, da heppi, na buɗunad oolagppa danab laala ag king bekkulag.

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 28:3

Da Kayak Nukka Ɠagattag Oh Ele Nug na ititteb, na buɗunad kuɗumnab bena, huu okkai anen anen oh laippu daaglag,

Genesis 32:12

Da amunu baɗattem, amge anukka na inam ame. ‘Da genab heppi, na keeke kuɗum ele daakkut. Na buɗunad ag appatna, yu ihippan ihi bia daappeg, danab ebaqadkkulagnu elele iitta daakku.’ ” Jakop anam unuqittom.

Genesis 35:11

Amu Kayak Nug baula ele aum. “Da am Kayak Dakka Ɠagattag Oh Ele, da inam attem. Na gona, kuɗum appate! Na appatppe, na buɗunad ag diig laippu, amge huu okkai piɗe piɗe oiglag. Na buɗunadppa danab laala ele king bekkulag.

Genesis 46:3

Jakop anam a amu, Kayak Nug aum. “Da Kayak, na mamennu Kayak. Na Isip gokkutnu aib oot baɗom. Aɗinu? Na appa daappe, da heppi, na buɗunad ag appatna, huu okkainab, ɠagattag ele daaglag.

Genesis 47:27

Aria, Israel danab ag wan atu onig Gosen appa wan aona appatnana, enulag kuɗum ele aona, kuɗum daappig. Wan atu onig Gosen am Isip wanppa daatte.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Eksodas 1:11

Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.

Eksodas 1:7

amge Israel danab ah ag buɗub buɗub doodo, nid huana menuadna, appatna, kuɗumnab daappig! Genab, ag appatna, huu ɠagattagnab bena, wan ag daappig ele oh tonappig.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Lewitikas 26:9

Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku.

Duteronomi 32:8

Laa Attannab Laa Oh Eɗattak, Nug wan anen anen danab mattom. Ao, Nug danab ah wan anen anen matte daappig. Nug amu haaha amu, Nug Israel ag wan elele daaglagnu laa dilag tom ag mattom. Ao, Nug Israel ag ebqak gane daaglagnu dabmaama, wan laa, ag aulag daakkunu, ahilagnu otiom.