Genesis 48:21 - Nobonob Baibel

²¹ Israel nug itittak ena nai mattia malowa, nug Josep amegppa aum. “Mauhak dahil am miag, amu da mauhppi, dimppa dimppa Kayak Nug ag buɗulkad aɗi omalatteb, na mamenad dilag wan Kanan, ag appa gokkulag

Genesis 48:21 ပူးပေါင်းရင်းမြစ်များ

Genesis 12:5

Abram, nug wau Sarai, aria nug awag bekka Lot, nuhikkud daup danab Harannu diiom, amu keeke oh Harannu awom ele amu, nug amu oh diie, ahan Kanan wanppa goppig.

Genesis 15:14

Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, wan amuppanu keeke kuɗum aon aɗaglag.

Genesis 15:16

Na gemu Amo danab oolagppa oittem amu, ag gemu hipunin huana, okkainab ii hetteb amunu, na gemu wan imu aokkutnu elele iitta. Amge dimppa da anidttem, ag hipunin tuɗidppeg, elab bekku. Aria, haen amuppa da hipunin okkainab ahilag amunu heppi, na buɗunad ag wan imu aoglag. Buɗub buɗub doak waɗeleppa, haen amu gamagppa ag eɗun uɗin aoglag,” awa aum.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 37:1

Amu Jakop nug wan nug mameg anukka daattom ele, nug amuppa dayom. Wan amu onig Kanan.

Genesis 46:4

Da na omaidppi, Isip wanppa gona daappe, dimppa da na buɗunad omaladppi, ag eɗun ippa uɗiglag. Amge tatam na gona, Josep anidppe, mauhak haen nahip uɗieb, Josep nug na ehanidkku,” awa aum.

Genesis 47:29

Amu haen Israelnu mauhak haen miag uɗiom amu, nug bekka Josep onigppa e uɗie, nug aum. “Na oot dahilnu ena daatte dayeb, na ihinig kobol hena, na eppen da tuɗil waappa mena, nai nahip anan qakkan, na dahilnu oo mauhaknab kobol, oo metta ii uuak kobol ele dim lamidnana, da mauhppi amu, na da gaɗal ippa Isip wanppa ii boummana, na aon gona, da mamelaɗ boumatppigppa, appa da ele boumiɗkkutnu oɗ medattem,” awa aum. Nug anam a amu, Josep nug aum. “Na ame bia amu, da anamib hekkul,” awa aum.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Genesis 50:6

Josep nug anam a, ag gona, Paro amegppa anam aeg amu, Paro nug Josep amegppa aum. “Na mam he, na nahip nai ɠagattag qena ame amu, na ame, amubia na gona, appa na mamen boume!” awa aum.

Sam 18:46

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ge, Kayak Nug da padal ii mepanu ehanittak dahil daatte. Heppeg danab ah ag Nug binag meig!

Luk 2:29

“O Naɗi, na anukka da, nahip maɗi nid, na da amelppa da nid imu, nahip Padal ii maknu ehanittak danab, na danab ah oh anidna dooglagnu me neum ele amu, da anidkkulnu ame amu, da gemu iikku amelppa anidmi amunu, da mauhkkul am nai iitta.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Duteronomi 30:3

Yawe, ahilag Kayak, Nug ag diia, ahilag wanppanab eɗua maadkku. Nug ahilagnu oo gai-iitta doya oo metta ehanittak ha, Nug ag matatuatta, wan laalappa mattom, Nug amuppan eɗua diia, qagmaadkku.

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

2 Timoti 4:6

Dahilnu amu, da mauhkkulnu haen miag do, da gokkulnu aakku haen malom; danab ag wain gokkaɗaknu ofa Kayak medatteb, da amubia daattem.

Hibru 7:3

Kayak nai am nug anig mameg amu nug memetab ele ii ippunigtte. Menuak deɗ nuhig amu mauhak deɗ nuhig ele ii ippunigtte. Nug am Kayak Bekka bianab daatte. Nug am mana mettak ikki danab hanhannu daatte.

Hibru 7:8

Am gemu mana mettak danab, ag am danab mauhtteb ele, ag keekenu ameg 10 oolagppanu ameg laippu aotteb, amge Melkisedek, Nai Ena ippunigtte bia, nug bauib daatte ele, nug keekenu ameg laippu amu awom ⌊amunu, nug mana mettak danab gemu daatteb eɗadtte⌋.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 23:14

Nakok laa ele amu, danab kaino ag mauhtteb bia, da mauhkkul. Ag oolag unuqagppanab amu, ag nai Kayak Nug genab heeb bekkunu ana qakkom, nai amunu amu, Yawe, ahilag Kayak, Nug he, amu genab meu beum dootteb. Laippu laa iinab ii tippalom!

Josua 3:7

Amu Yawe Nug Josua amegppa aum. “Da gemu aɗi hekkul amu, Israel danab ah ag amu anidna, ag da Moses ele daamuɗ bia, da gemu na ele daattep doon oolag maidkkunu amu, da amu heppi ba heeb, ag na danab binan okkai ele digmen anidkkulag.

2 Pita 1:14

Aɗinu? Da ihinig Naɗi Jesus Kristus, Nug da ippuniɗom bia, haen elab iitta amu da beɗul imu uuidkkulnu doottem.