Genesis 48:16 - Nobonob Baibel

¹⁶ Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

Genesis 48:16 ပူးပေါင်းရင်းမြစ်များ

Genesis 22:11

Abraham nug anam heehe, Yawenu engel nug hab aabppanu ewa, “Abraham, Abraham,” awa eum. E amu, Abraham nug aum. “Da ina, aɗitai appe dookkul,” awa aum.

Genesis 22:15

Aria, Yawenu engel nug baula hab aabppanu Abraham amegppa ewa, inam aum.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Genesis 46:3

Jakop anam a amu, Kayak Nug aum. “Da Kayak, na mamennu Kayak. Na Isip gokkutnu aib oot baɗom. Aɗinu? Na appa daappe, da heppi, na buɗunad ag appatna, huu okkainab, ɠagattag ele daaglag.

Genesis 48:5

Nug anam da amelppa a amu, da Kanan wanppa daaiyi, ah nahip nid danab aɗit, Epraim, Manase ele ippa Isip wanppa menuatom. Ippa menuatom, amge gemu da diiaten, dahil nidnab, Ruben, Simeon ele bia daaglahnu hettem.

Genesis 49:22

Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

2 Samuel 4:9

Aa anam apiɗ amu, Dawit nug oɗelahppa awa, Berot danab Rimon bekoɗ, Rekap, Bana ele amelahppa aum. “Yawe Nug ehaniɗe, uug oh dahilppa bette da eɗidttem amu, Nug genab bau daatte, genab amubia,

1 King 1:29

No amu, king nug inam Batseba amegppa nug nuhig nai ɠagattag qetta aum. “Yawe Nug haen oh da uug digdigppa daattem amu, Nug da ehaniɗaɗa, eɗua awiɗtte, Nug genab bau daatte, genab amubia da na amenppa iikku attem.

2 Stori 7:14

haen amuppa danab ah dahilad, da onil ahilagppa daatte amu, danab ah amu ag onilag qeppeg neeb, ag unuqiɗnana, ag da aniɗna dim lamiɗna mattiɗkkulag dayeb, ag ahilag nau hak dimettan, ii hekkulag dayeb amu, ahilag hak amu dimppa da hab aabppa dayeye, ahilag unuqittak doyen, da hipunin ahilag uhuqe matten, da heppi, ahilag wan am eɗua ena daakku.

Sam 121:7

Yawe Nug heeb, uug, guittak keeke nahip-ppa ii beeb, Nug heeb, na bau daakkut.

Sam 34:2

Da Yawe Nug attem attem heum amu, da amunu Nug binag mettem; laa ag oolagppa elele iitta dootteb ele amu, ag dahil nai doon, ag oolagppa ɠagattag qak dooglagnu ool daatte.

Sam 34:22

Yawe Nug laa ag Nug waappa daanna nuhig maɗi nid daatteb amu, Nug ag qagaiettakppanu eɗua uhuqak dayaknu hette. Nug laa ag nuhignu, Nug am ahilag padal mak eɗitteb ena dayaknu ehanittak daatte doon, nuhigppa uɗitteb ele amu, Nug ag bu ii mattama.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Eksodas 1:7

amge Israel danab ah ag buɗub buɗub doodo, nid huana menuadna, appatna, kuɗumnab daappig! Genab, ag appatna, huu ɠagattagnab bena, wan ag daappig ele oh tonappig.

Aisaia 47:4

Laa Nug ig Israel, ihinig qagaiettakppanu eɗua uhuqaknu ehanittak daatte, Nug onig am Yawe Nukka Ɠagattag Oh Ele. Nug am ig Israel, ihinig Kayak Oppiaawak Ele.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Jeremaia 14:9

o na danab laa, nug uug laa bekkunu ii dabmette, amge laippun be, aɗittai laa hekkunu elele iitta, na danab amubia daattemnu, o na ban danab laa, nug ɠagattag nuhig oh iitta me, nug laa ehanidkkunu elele iitta, na amubia daattemnu diig appe dookkulnu oɗ medattem. O Yawe, na ig oonigppa daattem. Na onin ihinigppa daatte. Na uuigna gomananu oɗ medattem,” awe unuqidmi.

Jeremaia 15:21

Da na nau hak danab ah eppelagppanu eɗue awidkkul. Yo, da na danab ah ag laa guittak mettaglagnu uug ii dootteb, da na ag eppelagppa dayaknu qagaiettakppanu eɗua uhuqak amu hein medakkul,” awa aum.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Jon 17:15

Da na ag wan imuppanu diiadkkutnu oɗ ii medattem. Iitta. Na heppe, Satan nug ag diiadkkunu elele iitta daakku, da amunu na oɗ medattem.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

1 Korint 10:4

Ag oh amu, Kayak Nug le matte lappig. Ao, hab aabnu Laa Nugib ag omalattom. Nug Kristus. Nug he lappig.

1 Korint 10:9

Ig Kayak ma anttak, Israel oolagppa laa heppig amubia, ig aib hemut. Ag oolagppa laala ag anam heeg, mat ag emalatteg mauhppig.

Duteronomi 28:10

Ag anam daappeg, wan atu ohppan danab ah ag anadkkulag amu, ag Yawe Nug ag nuhikkudnab daaglagnu diiom anadna, ag ahilagnu ebehilag oh bodoetta le mekku.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 11:21

Jakop nug Kayaknu ooppa genab doyom amunu, nug mauhkkunu haen miag dayeye, nug Josep bekoɗ aɗit itittak ena matom. Nug mata male, nug dudqaknu hokkat nuhig ikki aɗe ehanitte dayaya, Kayak noobppa dup noa binag meum.

Josua 17:17

Ag anam Josua amegppa appig, amge nug Israel dilag huu okkai Epraim, Manase ele, Josep buɗub, nug ag amelagppa aum. “Ag am genab kuɗumnab daatteb, ag am ɠagattagnab ele amunu, ig om ena yaakppa wan maha laippuib ii mattamta,