Genesis 48:15 - Nobonob Baibel

¹⁵ Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 48:15 ပူးပေါင်းရင်းမြစ်များ

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 24:20

Anam ana amu, nug paha le hanakppa dayom amu gokkaɗe, doɗ dilag tappiɗppa no, eɗua le moɗppa ukka, bau itom. Anam heehe, kamel oh le elele lappig.

Genesis 24:40

Da anam ai amu, nug aum. ‘Yawe Nug da ele oittep amu, Nug engel nuhig meeb, na ele goya ehanidkku amunu, na da mamel buɗub, aab ikki dahilppa ah aokkutnu elele.

Genesis 27:27

Aisak anam aum amunu, Jakop nug gumitta wa otuqitte, mameg nug lamennu hiuɗi doya, nug itittak ena inam mettom. “Da bekkalnu muttuɗig am Yawe wan itittomnu muttuɗig, amubia.

Genesis 27:4

aon uɗin badikkut. Na da lakkulnu ool huana hette ele haen oh battie lattem, amubia battin, aon doppe lakkul. Da ee amu lawoya, da na itidppi, aria dahil mauhak haen dob amu, da mauhkkul,” awa aum.

Genesis 28:20

Jakop nug keeke amu oh hewowa, nug genabnab hekkunu nai anan qakka, nug inam mattiom. “Kayak Nug genab da lamenppa, ee lanakppa, ukkakppa ele atognoiɗa omaiɗebeb,

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Genesis 28:3

Da Kayak Nukka Ɠagattag Oh Ele Nug na ititteb, na buɗunad kuɗumnab bena, huu okkai anen anen oh laippu daaglag,

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

Genesis 49:22

Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

Genesis 49:24

Amge nuhig lat ii hahaɗom. Ao, nug eppeg laih laih oh am enaib daapiɗ. Laa Ɠagattag Okkai Ele, nuhignu amu, da, Jakop, da Nug binag mettem amu, Nug nug ehanidtte. Ao, Sipsip Gumitta Danab Ena, Nug kekeɗ nuhikkud danab aqamnanu ehanittak daatte, Nug nug itittak ena medatte.

Genesis 49:28

Amuam Israel dilag huu okkai 12, amu ag mamelag itittak ena mattom, am anam. Ag itittak ena piɗe piɗe, anen anen, ag diilag bia elele aoppig.

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

1 King 3:6

Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

1 Stori 5:1

Ruben, nug am Israel bekka naanaeg. Nug nid danab naanaeg, amge nug kobol dubuttid ele he, nug mameg wau amge waunab iitta, nug nug ele niipiɗ amunu, ⌊Jakop nug⌋ nid danab naanaegnu binag nuhigppa dayom aɗitta awa, nug bekka Josep bekoɗ matom. Amu diig amunu, Jakop bekka naanaeg, Ruben, nug nid danab naanaeg, amge nug onig nid danab naanaeg abenppa ii daatte.

Sam 16:8

Da haen oh bau dayeye, Yawe neekkidttem. Yawe Nug hanhan ouiwa daatte anidttem. Nug da ele ouqeɗa, ɠagattag meɗatte amunu, keeke laa da ii uɗaliɗma.

Sam 23:1

Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Eksodas 4:5

Yawe Nug anam a, Moses nug anam he, Yawe Nug aum. “Na Israel gumadna gona, na heme imu bia ele hekkut. Amu na anam hekkutnu diig am, Israel danab ah ag anidna, ag da Yawe, da genab na gumitte nemi oolagppa genab dooglagnu hekkut. Da am Yawe, da ag mamelkad aɗi dilag Kayak, amuam da am Abrahamnu Kayak, am Aisaknu Kayak, amu Jakopnu Kayak ele,” awa aum.

Eklisiastis 5:12

Uɗat hak danab nug ee okkai latte dayeb, o nug ee nakokib latte dayeb, nug ena niitte; amge enub danab nug niikkunu elele iitta.

Eklisiastis 5:18

Da amu oh antten amu, da aakku dabmak aomi. Dabmak amuam inam. Danab nug wanppa dayaya, nug ee, le ele lanana, nug uɗat aɗi heɗiag ele aam waappa haaha, amuppa oo hak dookku am ena. Nug haen tutu Kayak Nug wanppa bau daakkunu mettom amu, nug amu hekku. Kayak anam mettom amunu, nug anam hekku.

Eklisiastis 6:7

Danab oh ag ee elele aoglagnu dabmenana, ag diig amunu uɗat henana daatteb; amge enug am ag baubau aqadtte

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Kolosi 2:6

Ag Jesus Kristus, Nug amu ahilag Naɗi daakkunu ag oolag matulppig amunu ag tuɗidna, anamib Nug ele dayeg!

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

Hibru 11:21

Jakop nug Kayaknu ooppa genab doyom amunu, nug mauhkkunu haen miag dayeye, nug Josep bekoɗ aɗit itittak ena matom. Nug mata male, nug dudqaknu hokkat nuhig ikki aɗe ehanitte dayaya, Kayak noobppa dup noa binag meum.