Genesis 48:11 - Nobonob Baibel

¹¹ Ootuqatowa amu, nug Josep amegppa aum. “Anukka dahil dabmakppa da na iitta doomi, amge Kayak Nug he, gemu da naib ii anidttem. Iitta! Da na, amu na begapaɗ ele anadttem,” awa aum.

Genesis 48:11 ပူးပေါင်းရင်းမြစ်များ

Genesis 37:33

Nug antta amu, nug Josepnu doyom. Doya amu, nug aum. “Am genab, Josepnu. Doɗ dakkuɗ laa nug Josep qa la, iitta meum,” awa aum.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

Genesis 42:36

Amu keeke amu oh anam be, Jakop nug ag amelagppa aum. “Ag heppeg, da nid iitta daakkul. Josep am iitta. Simeon ele am iitta, gemu ag Benyamin aon gokkulagnu hetteb. Uug amu oh da maottem,” awa aum.

Genesis 45:26

Gona tena amu, ag Jakop amegppa appig. “Josep nug ii mauhom! Nug Isip wanppa bau daatte. Am genab, am laa ele amu, nug wan amu ohnu gawana daatte,” aon appig. Ag anam aeg amu, Jakop nug huan ottaia, ahilag nai amu ooppa genab ii doyom.

Genesis 48:10

Amu Israel nug kainonab ma malom amunu, nug ameg am ena iitta, nug neekkeb ukkeb, keeke pehettak anidkkunu elele iitta. Nug anam dayom amunu, nug anam a, Josep nid aɗit omalate, aa Josep mameg Israel gumidya waeh, Jakop nug oɗakkiata ootuqatom.

Genesis 48:12

Nug anam a amu, Josep nug nid aɗit nug mameg baegppanu diiata, piɗe maata, nug mameg noobppa gateg qaun o, gomela, iɗu wanppa meum.

Sam 128:6

Na haen elab daanna, alanad anadkkutnu ool daatte. Ao, Israel oo maɗoɗppa daakkunu ool daatte.

Prowerb 17:6

Alalkad nid daatteb, ag am alalkad kaino dilag king haɗ bia daatteb; amu nid ag anilkad mamelkad dilagnu, “Ag binalag ele,” dootteb.

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!