Genesis 48:1 - Nobonob Baibel

¹ Aria, dimppa Josep nug mameg oɗe niieye nai doyom. Doya amu, nug aha, bekoɗ aɗit Manase, Epraim ele diiate goppig.

Genesis 48:1 ပူးပေါင်းရင်းမြစ်များ

Genesis 46:20

Josep nug Isip wanppa dayaya, nug aab onig On, ahilag mana mettak danab onig Potipera aɗeg Asenat awe oiyya, aa nid danab aɗit Manase, Epraim ele menuatpiɗ.

Genesis 48:2

Ag gona, Jakop toppa teegeg, danab laa nug Jakop amegppa, “Josep uɗitte,” aum. Nug anam a doya, nug wagai ma, niiak abenppanu aha, betppa heɗep na dayom.

Genesis 48:5

Nug anam da amelppa a amu, da Kanan wanppa daaiyi, ah nahip nid danab aɗit, Epraim, Manase ele ippa Isip wanppa menuatom. Ippa menuatom, amge gemu da diiaten, dahil nidnab, Ruben, Simeon ele bia daaglahnu hettem.

Genesis 50:23

Nug Epraim dokkiab anttom. Amu Manase bekka onig Makir, nug bekkod menuatte, Josep nug diie, nug baekkudppa ele daappig.

2 King 13:14

Haen Jehoas nug Israel dilag king ba dayeye, haen amuppa Elisa nug oɗe okkai awa dayeye, Israel dilag king Jehoas nug anidkkunu ukka, mahitta gayaya inam aum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa aum.

2 King 13:20

Aakku dimppa amu Elisa nug mauhe, ag nug ⌊men oɗeppa⌋ boumppig. Amu maɗ ohppa gakkaɗak haen digmakppa amu, Moap danab ag ban hena, danab aqadna, ahilkad keeke aotteb amu, amunu ameg laala ag uɗin, Israel wanppa Israel danab ah eheɗ hadattappig.

Job 42:16

Aria, amu dimppa amu Job nug maɗ 140 baula wanppa dayom. Nug dayaya, nug bekkod anattatta, nug bekkod bekkalkad anattatta, nug alakkud amu bekkalkad anattatta, amu nug dokkiappud bekkalkad ele anattom

Sam 128:6

Na haen elab daanna, alanad anadkkutnu ool daatte. Ao, Israel oo maɗoɗppa daakkunu ool daatte.

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

Hibru 11:21

Jakop nug Kayaknu ooppa genab doyom amunu, nug mauhkkunu haen miag dayeye, nug Josep bekoɗ aɗit itittak ena matom. Nug mata male, nug dudqaknu hokkat nuhig ikki aɗe ehanitte dayaya, Kayak noobppa dup noa binag meum.

Josua 14:4

Nug wan laippu, ag oh aguppa daaglagnu ii mattom. Iitta. Nug ag aab, ag aguppa daaglagnu, amu aab amunu gikkiɗah dad okkai, ahilkad doɗ ag daanna gikkiɗah lakkulagnu ele mattom. Nug anam heumnu diig am, Israel dilag huu okkai Josepnu, huu amu obatak aɗit bepiɗ. Huu amu ag am Manase, Epraim ele ⌊amuppan Israel dilag huu okkai 12 wan aon daappig.⌋