Genesis 47:9 - Nobonob Baibel

⁹ Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Genesis 47:9 ပူးပေါင်းရင်းမြစ်များ

Genesis 11:11

Arpaksat doum dimppa amu, Sem nug maɗ 500 baula dayeye, nug bekkod aɗekkud laala ele, ag doppig.

Genesis 35:28

Aisak nug maɗ 180 dayaya oiyom.

Genesis 47:28

Ag wan atu onig Gosen aon daanna, Jakop nug maɗ 17 baula appa Isip wanppa daye, maɗ nuhig oh am 147 dayom.

Genesis 47:8

Itittak mette amu, Paro nug Jakop oɗ mettom. “Maɗ nahip am gane?” awa oɗ mettom.

Genesis 5:27

Metusela nug maɗ nuhig 969 daye, nug mauhom.

Genesis 50:26

Nug anam ana amu, nug maɗ 110 dayaya, nug mauhom. Mauhe, Isip gaɗa babaittak danab ag marasin gaɗappa mena, bokisppa inaeg, Isip wanppa dayom.

1 Stori 29:15

Laa amu, ig nahip neekkakppa wan laihnu danab ah; wan imunu aab diig danab ah iitta daattem. Ig mamenkad aɗi ele anamib. Ig wanppa oittem amu, ig haen elabnab ii oittem. Haen tutuib oit, ig mauhta gottem.

Job 14:1

Danab oh ag ah oolkadppanu dotteb ele, ag wanppa haen elab ii daatteb. Ao, ag uug kuɗumnab ele maon oitteb.

Sam 119:19

Da wanppa daattem amu, da aab diig danab iitta daattem. Na heppe, da nahip ɗo dookkulnu ool daatte!

Sam 119:54

Da adeppa adeppa daattem amu, appa da nahip ɗonu ahi edattem.

Sam 39:12

“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Sam 39:13

Da mauhen, wanppa ii daapa, amge da ii mauhmi, haen gamag imuppa amu, da eɗue, ool gamag ahak ele daakkulnu amu, na da baula bu ii iumnanu oɗ medattem.”

Sam 39:5

Na he, dahil bau dayak haen am tutunab daatte. Nahip neekkakppa, da wanppa bau daattem, bau dayak amunu digma ukka, gogppa tak am keeke ii ba ukkom bia daatte. Ao, danab ah dilag bau dayak haen am tutunab; amuam danab laa nug hik tutuib haen laippuib awom bia daatte.” Sila.

Eksodas 6:4

⌊Ag da dooiɗkkulagnu amu, da onil Kayak Nukka Ɠagattag Oh Ele ippuanatten,⌋ da hei, da ag ele nug tituanta nai qakkamut. Nug tituana nai qakkak nai dahil amuppa amu, geha da Kanan wan ag madakkulnu ami. Haen ag appa daappig amu, ag wan amuppa aab aon daappig, amge wan amu ahilag iitta. Ag am wan laihnu danab ah.

Eksodas 7:7

Aa anam hepiɗ amu, haen amuppa Moses, nug nuhig maɗ am 80, amu Aron, nuhig maɗ am 83. Aa maɗ anam anam ele daayya, aa Paro noobppa nai madipiɗ.

2 Korint 5:6

Diig amunu amu ig hab aabppanu beɗunig aognignu dabmak aottem; ig ii aognignu ii dabmettem. Ig anam dabmetata amu, ig imu ele doottem. Ig wan imuppa oiyaknu beɗunig ele oitata amu, ig Naɗi ele hab aabppa appa ouqak ii daattem.

Duteronomi 34:7

Moses nug maɗ 120 dayaya, nug mauhom, amge ameg ii nauhom, nug ɠagattag ele dayom.

Hibru 13:14

Ig doottem, wan imuppa aab okkai haen elab hanhan daakkunu, ig appa daagnignu laa ii daatte. Amge ig am aab okkai butti aɗi bekku ele amunuib ameg metata daattem.

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Josua 24:29

Amu heum dimppa, haen elab iitta amu, Josua, Nan Bekka, Yawenu maɗi nid, nug maɗ 110 ele dayaya mauhom.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.