Genesis 47:29 - Nobonob Baibel

^29-30 Amu haen Israelnu mauhak haen miag uɗiom amu, nug bekka Josep onigppa e uɗie, nug aum. “Na oot dahilnu ena daatte dayeb, na ihinig kobol hena, na eppen da tuɗil waappa mena, nai nahip anan qakkan, na dahilnu oo mauhaknab kobol, oo metta ii uuak kobol ele dim lamidnana, da mauhppi amu, na da gaɗal ippa Isip wanppa ii boummana, na aon gona, da mamelaɗ boumatppigppa, appa da ele boumiɗkkutnu oɗ medattem,” awa aum. Nug anam a amu, Josep nug aum. “Na ame bia amu, da anamib hekkul,” awa aum.

Genesis 47:29 ပူးပေါင်းရင်းမြစ်များ

Genesis 24:2

Kaino ma, nug nuhig maɗi nid okkai nug Abrahamnu keeke oh gumadttom ele amu, nug nug amegppa aum. “⌊Na ihinig kobol nai ɠagattag qa anaknu, na kobol amu dim lamidna⌋ na eppen da tuɗil waappa mena,

Genesis 24:49

Aria, ag dahil okkainu oo mauhaknab dootteb dayeb, ag nuhignu oo metta ii uuak kobol hekkulagnu oolag daatte dayeb amu, ag appeg dookkul. Iitta dayeb amu, ag amu ele appeg doyen, da eɗuen, ib laa anidkkulnu ool maidkku,” awa aum.

Genesis 27:2

Esau anam a amu, Aisak nug aum. “Da kaino memi. Haen ganeb da mauhkkul amu, da ii doottem.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Genesis 48:21

Israel nug itittak ena nai mattia malowa, nug Josep amegppa aum. “Mauhak dahil am miag, amu da mauhppi, dimppa dimppa Kayak Nug ag buɗulkad aɗi omalatteb, na mamenad dilag wan Kanan, ag appa gokkulag

Genesis 50:12

Ag anam hena gona amu, Jakop bekkod ag Jakop hekkulagnunab aum amu, ag amubia heppig.

Genesis 50:5

“Da mamel nug mauhak haen nuhigppa da amelppa inam aum. ‘Da mauhkkul hettem amunu, na da Kanan wanppa, boumak aben da bappaidmi ele, na appa boumiɗkkutnu nahip nai ɠagattag qena, appe doyei!’ awa aum. Nug anam aum amunu, da dahil nai ɠagattag qein, da anam mattimi amunu, da anam hekkulnu ool daatte. Na appe, da ukke, Kanan wanppa da mamel boumoya, da eɗuen uɗikkul.” Josep nug anam awa atte,’ aon aeg!” Josep nug ag Paro amegppa anam akkulagnu ag amelagppa anam awa aum.

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

2 Samuel 2:32

Joap aɗi ag Asahel gaɗa maon gona, mamegnu boumak aben, Betlehem appa dayom amu, ag aguppa boumppig. Ag boumona, ag baelagppa tuqan amuppa oinna, ag gona, buttua aam beebe, ag Hebron teppig.

2 Samuel 7:12

Anam, amu haen na nahip mauhak haen doob mauhppe, da heppi, na buɗunadppanunab laa nug na abenam aweb, laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku.

1 King 2:1

Amu Dawitnu mauhak haen miag do, nug bekka Solomon aɗi aɗi hekkunu nai imu nug mettom.

Job 14:14

Danab nug mauhowa, nug eɗua bau daakkute? Nug eɗua bau daakku dayeb amu, da haen nau dahilppa daakkunu daatte amu, da haen amu ohppa deɗ laa, da deɗ amuppa eɗuen, ena daakkul, da deɗ amuib ameg mekkulnu elele. Da dahil baoliak haen amu ameg mekkulnu elele.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Job 7:1

Ig danab ig wanppa daat oittem amu, ig heɗiag hetata ele iite daattem? Ge, ig danab wanppa daattem, ig uɗat ɠagattag, danabnu uɗat nid nuhig uɗat hette, ig amubia wanppa daatta, iite hettem?

Sam 49:7

Ag anam atteb amge iitta. Auntai laa nug layag mauhaknu qagaiettakppanu eɗua uhuqak hekkunu elele iitta. Ao, laa nug mauhkkunu heeb, layag nug Kayak en okkai metteb, qagaiettak amuppanu uhuqkkunu elele iitta.

Sam 49:9

Auntai laa layag ehanitteb, nug bau hanhan daakkunu elele iitta. Auntai laa layag ehanitteb, nug moɗppa ii nokkunu laa iitta.

Sam 6:5

Aɗinu? Laa nug mauhom amu, nug nahipnu daugppa ii dotte. Ge, aun nug moɗppanu na binan mekkun elele?

Sam 89:48

Auntai laa bau dayaya, ii mauhma. Ao, auntai laa nug nukka nug heeb, nug moɗppa ii noma. Sila.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Hibru 11:22

Josep nug Kayaknu ooppa genab doyom amunu, haen nug mauhkkunu haaha amu, nug Israel ag dimppa Isip uun ahan gokkulagnu ana, nug beɗu attem boumkkulagnu ele aum.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Josua 2:14

Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Josua 23:14

Nakok laa ele amu, danab kaino ag mauhtteb bia, da mauhkkul. Ag oolag unuqagppanab amu, ag nai Kayak Nug genab heeb bekkunu ana qakkom, nai amunu amu, Yawe, ahilag Kayak, Nug he, amu genab meu beum dootteb. Laippu laa iinab ii tippalom!

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,