Genesis 47:22 - Nobonob Baibel

²² amge mana mettak danab aakkuib ahilag wan amu, Josep daden ii meum. Paro nug ag ee madattom amunu, ag ee amuppa ee aon ladappig. Ladappig amunu, ag wan ahilag meeg, Josep nug daden ii meum.

Genesis 47:22 ပူးပေါင်းရင်းမြစ်များ

Genesis 14:18

Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

Genesis 41:45

Anam ana amu, Paro nug Josep onig bau, Sapenat Panea ataɗom. Laa ele Paro nug aab onig On dilag mana mettak danab onig Potipera aɗeg Asenat nug wau daakkunu Josep mettom. Aakku Josep nug Isip wanppa oiyom.

Genesis 41:50

Josep wau, nug On dilag mana mettak danab Potipera aɗeg Asenat, nug enug haen ii nakppa Josepnu nid danab aɗit menuatom.

Genesis 47:21

Amu ib amuppa Isip danab oh ag Paronu maɗi nid daappig,

Genesis 47:23

Amu Josep nug danab amelagppa aum. “Da gemu, ag beɗulag, ahilag wan ele Paronu daden memi amunu, ee tumu imu wanppa eppaglagnu aon ukkeg!

Genesis 47:26

Anam beum amunu, Josep nug ɗo inam ma aum. “Ag Isip danab ag ahilag lanaknu oh maɗ ohnu laih tanig eleppa oppatnana, laih laippu Paro mettana, laih waɗele amu ag aweg!” awa aum. Ɗo amu gemu ele ⌊nai imu yaak haenppa⌋ Isip wanppa daatte. Amge mana mettak danab dilagnu amu, Paro nug wan ahilag ii awom amunu, ag ɗo amu waappa ii daappig.

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.

Esra 7:24

Laa ele amu, ag le Yupretis heqo laihnu gumak danab ag doyeg! Ag heppeg, Juda dilag Lewi buɗubppan mana mettak danab, Lewi buɗubppan mana mettak danab iitta, ahiettak danab ah, od gumak danab, Kayak laugppan maɗi nid ele amu, ag heppeg, danab ah amu ag takis, am en takis bia ele ag ii mattamna. Ag am ahilag takis ag mattaglagnu akkulagnu elele iitta.

Nehemaia 13:10

Haen amuppa ele amu, da danab ah ag keeke, ag Lewi buɗubppan mana mettak danab iitta, ag ag mattaglagnu ɗo dayom bia ii madappig doomi. Ag ee amu ii madappig amunu, ahiettak danab, Lewi buɗubppan mana mettak danab iitta laa ele ag eɗun, dad ahilagppa gona, ee oppig. ⌊Ag Kayaknu mettid lag, amuppa ii daappig.⌋

1 Korint 9:13

Ag imu iite dootteb? Danab ag Kayaknu mettid lakka uɗat hetteb ele, ag ahilag ee Kayaknu mettid lakkanu aotteb. Amu danab ag doɗ mana Kayak mettaknu uɗatnab hetteb ele, ag qaɗabppanu ee aotteb.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

Duteronomi 12:19

Am ag ahilag wanppa daanna, ag Lewi buɗub dilag daulag atimanu, ag dabmena autna aweg!

2 Tesalonaika 3:10

Haen ig ag ele daatta, ig ɗo imu ag mattamut. “Laa nug uɗat ii hekku amu, nug ee ii lama,” aot amut.

1 Timoti 5:17

Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!