Genesis 47:19 - Nobonob Baibel

¹⁹ Amunu ig mauhmatanu, wan ihinig ele nauhmanu amu, ig beɗunig, ihinig wan ele na aona, ee mekke! Na anam heppe, ig Paronu maɗi nid daagnig; wan ihinig ele nuhig daakku. Keeke laippuib am anuqak daatte. Ig bau daagnignu, wan ele hele-ettak daamanu, na ee tumu mekke!” aon appig.

Genesis 47:19 ပူးပေါင်းရင်းမြစ်များ

Genesis 41:36

Aɗinu? Na ee amu gumappe, enug haen maɗ eblaih aɗit ele Isip wanppa ba dayebeb, Isip danab ag enugnu padal ii memana,” awa aum.

Genesis 47:15

Aria, haen men doɗo Isipnu, Kanannu ele iitta me amu, Isip danab oh ag Josep gumidna gona, nug amegppa appig. “Ihinig men doɗo iitta meum amunu, ig nahip neekkakppa daat mauhmatade, ee mekke!” aon appig.

Genesis 47:18

Aria, maɗ amu uue, ag eɗun Josep toppa gona, amegppa appig. “Ig daattemnu diig amu, na, ihinig naɗi, na doottem. Ig uug amuam ii tonamta. Men doɗo ihinig iitta meum. Aria, doɗ ihinig ele na eppenppa daatteb. Ig beɗunig, ig wanenig ele aakkuib na aokkutnu ig ele daattem.

Genesis 47:20

Akku Isip danab oh ag wan ahilag meppig amunu, Josep nug Isip wan oh Paronu daden meum. Aɗinu? Enug haen naunab aakku dayom. Josep anam he, ahilag wan amu, Paro awom.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Gayak Nai 1:11

Juda danab ah oh ag ee mattinna, ag aiqagatteb. Ag en okkai laa aon, ee huppu nakok, ag bau daaglagnu en okkai amuppa daden mekkulagnu hetteb. Juda ag atteb. “O Yawe, laa ag ig Juda, ag ihinignu ena iinab dootteb amunu, na ig neekkigna, ihinignu dabmekkutnu oɗ medattem,” oɗ mettan maditteb.

Gayak Nai 5:6

Ig ee aot lawota, bau daagnignu; ig Isip, Asiria ele waalagppa daagnignu, ig ag ele nug tituanta, nai qakkat oimut.

Gayak Nai 5:9

Atu taɗakppan danab, ag danab ɠagattag, ag qep elabppa danab paha aqaeg mauhtteb amu, ag guguikkak daatteb amunu, ig datta gota, ee heta aot lakkunignu amu, ig mauhkkunignu oita, ee aot lattem.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!