Genesis 47:17 - Nobonob Baibel

¹⁷ Josep anam a, Isip danab ag doɗ ahilkad diin, Josep noobppa ukkaeg, Josep ee matte, ag maɗ amu ee elele daappig. Ag doɗ diin goppig amu, amuam hos, sipsip, meeme, makau, amu donki ele.

Genesis 47:17 ပူးပေါင်းရင်းမြစ်များ

Genesis 47:16

Ag anam aeg amu, Josep nug aum. “Ahilag men doɗo iitta meum amunu, ag doɗ ahilkad diin uɗippeg, amunu nob am, da ee madakkul,” awa aum.

Genesis 47:18

Aria, maɗ amu uue, ag eɗun Josep toppa gona, amegppa appig. “Ig daattemnu diig amu, na, ihinig naɗi, na doottem. Ig uug amuam ii tonamta. Men doɗo ihinig iitta meum. Aria, doɗ ihinig ele na eppenppa daatteb. Ig beɗunig, ig wanenig ele aakkuib na aokkutnu ig ele daattem.

1 King 10:28

Hos Solomon diiom ele amu, nug Isipnu, Kuenu ele diiom. Kue appanu King Solomonnu keeke laihnu awa dadennu mak danab ag hos men doɗo ganeppa awaknu ɗo dayom bia, ag hos daden amuppa aodppig.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Eksodas 9:3

Yawe, Nug ag Isip, ahilkad doɗ amu oɗe eheɗ naunab madakku. Nug geha nahipad doɗ dad okkaippa daatteb, amuam hos, donki, kamel, makau, sipsip amu meeme ele, Nug amu oh dilagppa heeb, oɗe naɗi amu aoglag.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.