Genesis 47:12 - Nobonob Baibel

¹² Ag appa daaegeg amu, Josep nug mameg, awakkud, amag amu laa oh ag ele daappig ee ahilag elele lakkulagnu otia madattom.

Genesis 47:12 ပူးပေါင်းရင်းမြစ်များ

Genesis 45:10

Uɗippe amu, na, na baenadppa ele, amu doɗ nahip oh ele, amu nahip keeke oh Isip ippa, wan atu onig Gosen, appa da gukkuiɗna daaglag.

Genesis 45:11

Enug haen maɗ tanig ele laa ele daakku amunu, ag wan atu onig Gosen appa daappeg, da heppi, ag elele daaglag. Ag anam ii heppeg amu, na, na baenadppa, amu nahipad laa oh ele, ag oh am daɗeknab daaglag,’ ” awa aum.

Genesis 45:7

Anam daakku amunu, Kayak Nug he, Kayaknu ehanittak okkaippa da heppi, ag, ag baelkadppa ele bau daaglagnu, ag wanppa iitta memananu, da anuqen uɗimi.

Genesis 47:1

Aria, Josep nug anam ana amu, nug aha, Paro gumitta ukka, amegppa aum. “Da mamel, da awalad, amu da amal ele ag ahilkad doɗ, amu ag enulag laa oh ele Kanan wanppanu diin uɗin, gemu wan atu onig Gosen appa daatteb,” awa aum.

Genesis 47:21

Amu ib amuppa Isip danab oh ag Paronu maɗi nid daappig,

Genesis 47:24

Amge dimppa ag ee eppan, haen ag meu aona amu, ag laih tanig ele oppatna, laih laippu Paro metteg! Waɗele laa amu, ahilag tumu eppaknu, amu ag lakkulagnu ele aweg!” awa aum.

Genesis 50:21

Anam amunu, ag aib baɗappig. Da ag, ahilkad nid naunau ele ena daaglagnu ehanadkkul,” awa aum. Nug anam ana, nug eheɗ hadakkunu ii dabmeumnu nai mattiaya, nai bodoettak ele ag amelagppa mattiom.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Aisaia 22:24

Ge, nug nuhig uɗat am uug ele, amge nug elele heeb ukkeb, nug baekkudppa oh, laa onig iittanab ele amu, geha ag oh nuhig haknu binag amahlak oppiaawak ele aoglag.

1 Tesalonaika 2:7

Ao genab, ig am Kristusnu totol danab amunu, ig ahilagppa ehanittak keeke aognignu elele dayom, amge ig anam ii hemut. Iitta. Ig oonig bodoette wagai ii mak kobol dim lamidta, ag oolagppa uɗat hemut; nid anig nug bekkod atognoadtte bia ahilagppa uɗat hemut.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

1 Timoti 5:4

Amge ah qab nug bekkodtai o iitta alakkudtai laa daanna amu, ahilag uɗat anuqak am ag anilkad mamelkad alalkad ele ag nob ena eɗun mattaglagnu atognoadkkulagnu daatte. Ao, Kayak Nug kobol amunu ena dootte.

1 Timoti 5:8

Am danab laa, nug tiilag laippu daatteb ele amu, ag oolagppa nug nuhikkudnab anuqak dabmadatta, dimppa laa oh ele dabmadatta atognoadtte am ena, amge laa nug nuhikkudnab anam ii dabmadatta, ii atognoadtte amu, nuhig ooppa genab doyak am hambuppuak, nuhig eheɗ hak amu ooppa genab doyak iitta dilag eɗadtte.

Rut 4:15

Na kaino meppe, nid imu nug ɠagattag nitta atognoidkku. Aɗinu? Na ahipan, nug nahipnu oo mauhtte, nug menuom. Na begapad eblaih aɗit ele daan ehanidlob amu, na ahipan nug nahipnu amu eɗittak hette,” aon appig.