Genesis 45:3 - Nobonob Baibel

³ Anam gayowa, Josep nug awakkud amag ele ag nailagppa ag amelagppa aum. “Da am Josep.” Anam ana amu, nug ag oɗ mattom. “Da mamel nug genab uma daattete?” Nug anam oɗ mattom, amge Josep awakkud, amag ele ag eheɗ nau baɗappig amunu, ag nai laa ii appig; toettan daappig.

Genesis 45:3 ပူးပေါင်းရင်းမြစ်များ

Genesis 37:20

amunu, ig qepput mauheb, moɗ gamag naɗippa buɗipput ukkaɗ! Anam hewota, ig, ‘Doɗ dakkuɗ qe mauhom,’ aot mattignig. Ig anam hepput, tul niiak nuhignu meu am ii bema,” aon appig.

Genesis 42:21

Ag Josep amegppa anam appig, amge ag akka akka inam madippig. “Ig amanignu anukka eheɗ heut, ig beɗunigppa aab daatte amunu, gemu ig eheɗ hak amunu nob iikku aottem. Haen amuppa nug mauhak uua heehe, ig oo uug naunab doyak nuhig anidmut, amge ig nuhignu oonig ii doye, nuhig nai oo doyak ele ig amenigppa aum elenu dab-ii-memut. Keeke amunu nob gemu ig anidttem,” aon appig.

Genesis 42:22

Ag akka akka anam anana amu, Ruben nug aum. “Da haen amuppa, ‘Ig amanigppa hipunin laa aib hemut,’ ami, amge ag dahil nai iinab dooppig. Aria, ig hemutnu nob amu, gemu ig aottem,” awa aum.

Genesis 43:27

Ag anam heeg, Josep nug ag amelagppa nai ana, oɗ mattom. “Ag ena daattebte? Ag mamelag kaino daattenu anukka amelppa appig amu, nug ena ana daattete, o iitta mauhomte,” awa oɗ mattom.

Job 23:15

Diig amunu da Nug noobppa dayeye, baɗak eheɗ nau doottem. Ao, da amu oh dabmein, da nuhignu baɗattem.

Job 4:5

Na ag anam ehanadme, amge gemu uug laa nahip-ppa be, nahip dabmak am qe nak daatte. Yo, uug amu na nitte, na oot uug nau qak daatte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Mak 6:50

Ag oh anidna, eheɗ nau baɗappig amunu, ag eeg, Jesus Nug paha ag amelagppa aum. “Ag ɠagattag dayeg! Imu daib, aib baɗappig,” awa aum.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Aposel 7:13

Amu dimppa ag eɗun ukkaeg, Josep nug awakkud amag ele noolagppa nukka miag, ‘Da am Josep,’ aum. Nug anam he amu, haen amuppa Paro nug ag am Josep awakkud amag ele doyom.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.