Genesis 45:20 - Nobonob Baibel

²⁰ Ag ahilag keeke Kanan wanppa daatte amu, ag amunu oolagppa aib uug dayom. Aɗinu? Da ag wan imuppan keeke oh ena madakkul,’ ” awa aum.

Genesis 45:20 ပူးပေါင်းရင်းမြစ်များ

Genesis 20:15

Mettowa amu, nug Abraham amegppa aum. “Wan imu oh dahil. Na aben laa anidna daakkutnu oot heeb, am daakkut,” awa aum.

Genesis 45:18

ag mamelag, amu ag baelkadppa ele diin, eɗun dahilppa uɗippeg, da ag Isip wan laih laa enanagnab madappi, ag Isip wanppanu ee enanag lakkulag,’ ” awa aum.

Genesis 45:19

Paro nug nai amu Josep amegppa awowa, nug tuɗitta aum. “Na laa ele appe, doyeg! ‘Ag Isipnu uɗatnu karis diiadna gona, ag waalkad, ahilkad nid naunau ele karis amuppa diin, mamelag ele aon uɗiglag.

Genesis 45:21

Paro nug anam a amu, Israel bekkod ag inam heppig. Josep nug a, nuhikkud maɗi nid ag Isipnu keeke ena ena donki eblaih tanig ele qaɗelagppa maadna, Josep awakkud amag ele, ag mamelag, ag baelkadppa ele diin, Isip wanppa uɗiglagnu ee aelkad, bret, amu ibppanu ee laala ele donki anig eblaih tanig ele qaɗelagppa maatteg, Josep nug keeke amu oh, amu uɗatnu karis ele, Paro hekkununab aum bia mattom. Aria, nug awakkud anen anen oh lamen bau laib laib ele mattom, amge nug Benyamin lamen bau tanig ele, amu 3.5 kilogram silwa ele mettom. Ibppanu keeke laa ag Kanan wanppa gokkulagnu ele mattowa, nug ag amelagppa, ag ibppa gonana, akka akka nug mehqak ii hemananu anana, nug a, ag ahan, Paro aumbia hekkulagnu goppig.

Genesis 47:6

Antte! Isip wan aakku daatte. Isip wan laih adekku am enanagnab amu, na appe, ag appa daaglag. Ag wan atu onig Gosen appa ena daaglag dayeb amu, ag appa dayeg! Amu laa ele, laa ag oolagppanu doɗ gumattak uɗat tutukku dootteb ele amu, na appe, ag doɗ dahil gumadkkulag,” awa aum.

Esra 9:12

Wan amuppan danab ah ag anam ele amunu, aria ag Israel, ag aɗelkad wan amuppan bekkalkad madappeg, ahilkad ah aib daappig. Anamib, ag wan amuppan aɗelkad diin, ag bekkalkad madappeg, ahilkad ah aib daappig. Ag ɠagattag daan, ag wan amuppan ee ena aon lakkulagnu, ag wan amu aon daan, ag ag bekkalkad ag aulag hanhan daakkunu mattaglagnu elele daaglagnu amu, ag wan amuppan danab ah ele layam batan, ag ele nug tituanna nai aib qagappig; gemu, butti aɗi ele anamib.’ Propet ag ig amenigppa anam appig.

Eksodas 22:7

Danab laa nug men doɗo nug layag gumakkun metteb gumebeb, aria yab danab laa nug men doɗo amu yab aweb, dimppa ag yab danab amu mattin anidppeg, yab danab nug men doɗo amu oh nob mekkunu, nug keeke awom bia, nug aɗit amubia mettaɗ!

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Aisaia 13:18

Midia huu ag geha Babilon nid bau latppa aqaglag. Midia ag nid yuɗ dilagnu oo gai-iitta doya, oo metta ehanittak laa ii doomna. Ao, ag nid naunau dilagnu oolag bodoetta, le ii mema. Ag aqakib aqappeg mauhkkulag.

Esekiel 20:17

Ag nau amu heppig, amge da ahilagnu ool gai-iitta doye, ool matte, ehanatte, da hei, padal ii meppig. Da hei, ag atu taɗakppa oinna, padal mena, iitta ii meppig.

Esekiel 7:4

Da ag anatte, oo doyak ii doopa! Ge, da ag anatte, bu madakkulnu ii uupa. Iitta! Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da anam heppi, ag dooglag, da am Yawe,’ ” awa aum.

Esekiel 7:9

Da ag anatte, oo doyak ii doopa! Ge, da ag anatte, bu madakkulnu ii uupa. Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da amu heppi, ag dooglag, da Yawe, da nob nau amu mattami.

Esekiel 9:5

⌊Tuleglegppa⌋ Yawe Nug anam anana, Nug eɗua, danab eblaih laippu ele amelagppa a, da ele aakku doomi. “Ag aab okkai ooppa nug dim lamidna gona, aun aɗi laa ag nug uɗalagppa at ii mak ele amu, ag aqappeg mauheg! Ag oo doyak aib dooppig. Ag oolag bodoetta, le aib meum. Ag aqappeg mauheg!

Matyu 24:17

Danab nug nuhig lag koɗokko uɗem ukkakppa daatte, nug aguppa dayaya, nug oolkkunuib dabmaama, nug lag ooppa noa keeke aib awom. Iitta! Nug oola ukkaɗ!

Luk 17:31

Amu deɗ amuppa danab laa nug lag koɗokko uɗem ukkakppa dayaya, nug oolkkunuib dabmaama, nug nuhig keeke lag ooppa daatte ele amu, nug keeke amu aokkunu lag ooppa aib noum. Iitta! Nug oola ukkaɗ! Anamib danab laa nug dad okkaippa dayaya amu, nug oolkkunuib dabmaama, keeke laa aokkunu eɗua lakka aib ukkom.

Duteronomi 19:13

Ag aib qe mauhak danab amu, nuhignu oolag doyom! Ag danab qe mauhaknu aab ele, nug ag oolagppa daamanu heppeg, aib dayom! Oiyak ahilag ena bekkunu amu, ag anam heig!

Duteronomi 19:21

Danab laa nug eheɗ laa heeb, ag nuhignu oo gai-iitta doyak doon, oo mettan, bu ii mettamnanu aib dabmeppig! Nug laa qeum dayeb, ag nug qeppeg mauhaɗ! Laa nug laanu ameg heeb nauhkku dayeb, ag nug ameg heppeg nauhaɗ! O nug laanu aeg heeb qiikku amu, ag nug aeg heppeg qiiaɗ! Nug laa eppeg guittak mettom dayeb, ag nug eppeg guittak metteg! Nug laa baeg guittak mettom dayeb, ag nug baeg guittak metteg!

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Josua 7:11

Israel ag hipunin heppig; ag dahil nug tituana nai qakkak nai, da ag amu dim lamidkkulagnabnu ami amu, ag nai amu tippalppig. Ag keeke dahilnuib pelemppa daappig, ag keeke amu yab agappig. Ag yab aakkuib ii heppig. Iitta. Ag heppignu ele hambuppuak nai mattinna, keeke amu, ahilkad keeke ooppa lokkumadppig.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.

1 Samuel 25:13

Ag Dawit amegppa amu mattieg doya, nug nuhikkud danab amelagppa aum. “⌊Ban hekkunignu babaittak dayaknu amu,⌋ ag qep elab ahilkad diin, imualagppa takkeg!” awa aum! Nug amelagppa anam a, ag oh ahilkad qep elab akkan, imualagppa takkeg, Dawit nug ele qep elab nuhig awa takkom. Nug takke, nuhikkud danab 400 keeke anam ag ahaeg, nug ele goppig. Danab 200 amu ag keeke guman daappig.

1 Samuel 30:24

Danab laa ahilag nai amunu ena dookkunu, am laa iitta. Ag aakkud doon, dabmak ena aweg! Ig keeke oh elele otit, danab oh eleleppa mattagnig. Aɗinu? Aun nug dayaya, nug keeke oh ena atognoa, dabmettom, Nug geha danab laa banppa ukkom ele, nug keeke aokku, anamib nug ele aokku.” Dawit nug anam aum.