Genesis 45:16 - Nobonob Baibel

¹⁶ Aria, Paro, nug nuhikkud ehanittak anuqak danab ele ag, “Josep awakkud, amag ele, ag Isip wanppa uɗippig,” nai amu doona, ag ena dooppig.

Genesis 45:16 ပူးပေါင်းရင်းမြစ်များ

Genesis 16:6

Anam a amu, Abram nug Sarai amegppa aum. “Maɗi ah nahip, nug na eppenppa daatte. Na attem hekkutnu oot daatte amu, na hekkut,” awa aum. Abram anam a amu, Sarai nug Hagar uug mette, nug oola ukkom.

Genesis 20:15

Mettowa amu, nug Abraham amegppa aum. “Wan imu oh dahil. Na aben laa anidna daakkutnu oot heeb, am daakkut,” awa aum.

Genesis 34:18

Ag anam aeg amu Hamor, nug bekka Sekem ele, aa nai amu ena doopiɗ.

Genesis 41:33

Enug haen bekku amunu, na danab laa nug keekenu oo maittak awaknu ehah awom daatte ele, nuhig doyak dabmak ena okkai ele anidna, aon meppe, nug Isip wan imu oh ⌊uɗat imunu⌋ gumakku.

Genesis 41:37

Josep nug nai amu ana male amu, Paro, nuhikkud ehanittak anuqak danab ele ag enaib dooppig.

Genesis 45:15

Gayoya amu, Josep nug awakkud oh ootuqattatta gayom. Anam hena malona, ag nai ena nug ele madippig.

Genesis 45:17

Ag ena doon, Paro nug Josep amegppa aum. “Na awanad amap ele amelagppa inam appe dooglag. ‘Ag ahilag keeke doɗ ahilag qaɗelagppa maadna, eɗun Kanan wanppa gona,

2 Samuel 3:36

Danab ah oh ag Dawit heum anidna, ag amunu ena dooppig. Ge, King Dawit nug aɗi aɗi heum ele amu, ag amu anidnana, ag amunu ena dooppig.

2 Stori 30:4

Ag maittak amu aoppig amu, King Hesekaia, danab ah oh appa daappig ele, ag oh maittak amunu, “Am maittak tutukku,” dooppig.

Esta 1:21

Aakku king, amu kingnu anuqak danab nuhikkud ele ag ulum nai amunu ena dooppig amunu, king nug Memukannu mattiak amu dim lamittom.

Esta 2:4

Amu dimppa ah makkun aun nug na, king, na nuhignu ootppa ena doottem amu, nug geha kuin ba Wastinu aben aokku,” aon appig. Ag anam aeg amu king nug ahilag ulum nai amunu oo heum amunu, nug ag anam hekkulagnu pahanab nai meum.

Esta 5:14

Nug anam mattiom amunu, nug wau Seres, amu laikkud oh ele ag appig. “Na heppe, danab ag balal attan danab aihadkkulagnu, nuhig elab attan tak 20 mita heppeg, buttua amu Mordekai balal amuppa aihaknu king oɗ mette! Amu oh hena malona, na goppe, ee lanak naɗi amuppa king ele aa gamag ahak naɗi dooglah,” aon appig. Ag anam appig, amu Haman nug nai amunu enanagnab doya he, danab ag balal amu heppig.

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Aposel 7:13

Amu dimppa ag eɗun ukkaeg, Josep nug awakkud amag ele noolagppa nukka miag, ‘Da am Josep,’ aum. Nug anam he amu, haen amuppa Paro nug ag am Josep awakkud amag ele doyom.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.