Genesis 45:12 - Nobonob Baibel

¹² Josep nug ag nai amu ag mamelag amegppa akkulagnu aum amu, nug nai baula tuɗitta aum. “Ag aniɗna dootteb. Benyamin ele aniɗa dootte. Da am Josep. Da iikku ag ele nai madittem.

Genesis 45:12 ပူးပေါင်းရင်းမြစ်များ

Genesis 42:23

Ag akka akka anam madippig, amge haen Josep nug awakkud ele nai mattiegeg, danab laa, nug am nai eɗuak danab amu, nug gamagppa dayaya, nug Hibru nai Isip naippa eɗuom, amu nug Isip nai Hibru naippa ele eɗuom amunu, Josep awakkud ag Josep nai ahilag doyom amu, ag ii dooppig.

Genesis 45:11

Enug haen maɗ tanig ele laa ele daakku amunu, ag wan atu onig Gosen appa daappeg, da heppi, ag elele daaglag. Ag anam ii heppeg amu, na, na baenadppa, amu nahipad laa oh ele, ag oh am daɗeknab daaglag,’ ” awa aum.

Genesis 45:13

Amunu ag gona, ig mamenig amegppa, keeke oh anidppig, amu da Isip wanppa ippa binal okkai ele daattem, ag amu appeg doyaɗ! Appeg doyeb amu, paha omalppeg uɗieg!” awa aum.

Luk 24:39

Ag da eppel bael ele iikkud antteg! Daib iikku daattem. Ag eppelag bahina aɗailna doyeg! Dottog nug beɗu, ebehi ele iitta, ag da aniɗtteb bia,” awa aum.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.