Genesis 45:1 - Nobonob Baibel

¹ Aria, Juda anam a amu, Josep nug gayak ooppa ambeum amunu, nug nuhikkud ehanittak danab amelagppa aum. “Ag oh dimittim ukkeg!” awa aum. Nug anam a amu, ag oh goppig. Ukkaeg, haen Josep nug amag awakkud ele amelagppa, “Da am Josep,” aum amu, laa nug appa ii dayom; nug, amu nug amag awakkud ele aakkuib.

Genesis 45:1 ပူးပေါင်းရင်းမြစ်များ

Genesis 42:24

Josep nug nai ahilag doya, nug uuatta, aben laih ukka gayowa, nug eɗua gumatta noa, ag amelagppa nai mattia, ag amelagppa ele Simeon tituana he, ag hippalppig.

Genesis 44:34

Aɗinu? Nid imu nug da ele oh eɗuɗ ii gokkunih amu, da elele iittanab iitta dookkul. Nid imu nug eɗua ii ukkeb, ig mamenig amunu uug okkai maweb, da attem heine nug anam heebeb anidkkul? Amu elele iitta,” awa aum.

2 Samuel 1:20

Pilistia aɗelkad oolag gamag ahamanu amu, laa nug nai amu Gat appa aib mattieb dooppig. Ao, Pilistia danab, ag iitta aɗi amu, ag aɗelkad oolag gamag ahamanu amu, laa nug nai amu Askelon appa aib mattieb dooppig.

2 Samuel 13:9

Nug mana mala, nug bret manaknu keekeppanu awa, tappiɗppa ma, Amnon medakkunu heum, amge nug uuom. Nug ii laum. Nug ii lanana, nug nuhikkud maɗi nid maɗi ah ele oh ag laih gokkulagnu a, ag oh goppig.

Aisaia 42:14

Yawe Nug ⌊nuhikkud danab ah Israel, Nug ahilagnu⌋ inam atte. “Haen elabnab da toetten dayeye, ⌊da ahilag kekeɗ ag ag aladppig ele, da ag ii hatti nauhppig⌋. Yo, da dakka oɗel qamute dayeye, ⌊da ahilag kekeɗ, ag ag hatteg nauhppig ele, da ag hadappi nauhkkulagnu ib amu, da oo nein,⌋ hamu daami. Amge gemu amu, da ah nug nid menukkunu wagai maama, ewawa, hik qe, hik huana awawa hette, amubia da uɗat okkai, guittak ele doyeye, ag ehanadkkul.

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Aposel 10:41

Danab oh ii anidppig. Iitta! Ig laala, ig Nug anidta, aɗi heehe anttomnu mattiak danab daagnignu, Kayak Nug ig tituanikkom ele amu, Nug ig gumikka uɗie anidmut. Nug hibaitte, dimppa ig Nug ele ee, le ele lamut.

Aposel 7:13

Amu dimppa ag eɗun ukkaeg, Josep nug awakkud amag ele noolagppa nukka miag, ‘Da am Josep,’ aum. Nug anam he amu, haen amuppa Paro nug ag am Josep awakkud amag ele doyom.

1 Korint 13:5

Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.