Genesis 44:34 - Nobonob Baibel

³⁴ Aɗinu? Nid imu nug da ele oh eɗuɗ ii gokkunih amu, da elele iittanab iitta dookkul. Nid imu nug eɗua ii ukkeb, ig mamenig amunu uug okkai maweb, da attem heine nug anam heebeb anidkkul? Amu elele iitta,” awa aum.

Genesis 44:34 ပူးပေါင်းရင်းမြစ်များ

Genesis 44:33

amunu, O naɗi dahil, da, nahip maɗi nid, da nid imu nug abenab awen, nahip begbeg maɗi nid daakkulnu ool daatte. Nug eɗua, awakkud ele oh gokkulagnu ool daatte.

Genesis 45:1

Aria, Juda anam a amu, Josep nug gayak ooppa ambeum amunu, nug nuhikkud ehanittak danab amelagppa aum. “Ag oh dimittim ukkeg!” awa aum. Nug anam a amu, ag oh goppig. Ukkaeg, haen Josep nug amag awakkud ele amelagppa, “Da am Josep,” aum amu, laa nug appa ii dayom; nug, amu nug amag awakkud ele aakkuib.

2 Stori 34:28

⌊Amu Yawe Nug inam ele king amegppa atte.⌋ ‘Anam amu, da heppi, na daanna, maɗoɗ ele mauhppe, ag na gaɗan ele na mamenad boumadppigppa boumidkkulag. Na uug naunab da heppi, aben imuppa, aben imuppan danab ah dilagppa ele bekku amu, na uug amu ii anidmana.’ ” Hulda nug anam ag amelagppa a, ag nai amu aon, ag eɗun gona, king amegppa appig.

Esta 8:6

Aɗinu? Na amu ii hekkut dayeb, laa ag dahiladnab, dahilad danab ah ele aqappeg mauhkkulag dayeb amu, da attem antten dookkul?” awa aum.

Job 31:29

Da kekeɗ dabmein, nug eheɗ laa awaknu anak waappa daakkunu ii ainne, hipunin amu laa ii hemi. Anam amge, da kekeɗ dahil nug na qe antten, da gamag ahak doolomlob, o iitta, da kekeɗ dahil uug nau qeum antten, diig amunu da gamal eheɗnab ahalolob amu, ⌊da Kayak eppegppa eheɗ aolom am elele, am tutukku⌋.

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Sam 119:143

Uug digdig, uug nau digdig ele, uug amu dahilppa beppig, amge nahip haknunab anak am he, da enanagnab doottem.

Eksodas 18:8

Noya, Moses nug Yawe, Israel danab ah dilagnu dabmak anuqak awawa he, uug digdig Paro, nuhigppa, Isip danab ah oh ele dilagppa beppig amu, Moses nug amu ohnu nug tana Jetro amegppa mattiom. Nug amunu mattie doye, nug Israel danab ah dilagppa, uug digdig ibppa be, Yawe Nug ag ehanatte, ag ena daappignu ele mattie doyom.