Genesis 44:18 - Nobonob Baibel

¹⁸ Josep anam a amu, Juda nug Josep gumitta ukka, baula amegppa aum. “O naɗi dahil, na nahip maɗi nid da, da nai nakok appi dookkutnu ool daatte. Na am Paro bia daattem, amge na da, nahip maɗi nid, na dahilnu oot ii nauhmanu oɗ medattem.

Genesis 44:18 ပူးပေါင်းရင်းမြစ်များ

Genesis 18:30

Awa a amu, Abraham nug aum. “O Naɗi, na da aiɗmananu oɗ medattem, amge na uuiɗppe, da nai baula akkul. Genab tutukku hak danab 30ib daappeg amu, na heppe, aab nauhkkute?” awa oɗ mettom. Oɗ mette amu, Yawe Nug Abraham oɗeppa awa aum. “Genab tutukku hak danab 30 daappeg amu, da ii heppi nauhma,” awa aum.

Genesis 18:32

A amu, Abraham nug aum. “O Naɗi, na da aiɗmananu oɗ medattem, amge da nai baula laippuib akkul. Aab amuppa genab tutukku hak danab 10ib daappeg amu, na heppe, aab nauhkkute?” awa oɗ mettom. Oɗ mette amu, Yawe Nug aum. “Iitta. Genab tutukku hak danab 10 daappeg amu, da ii heppi nauhma,” awa aum.

Genesis 37:6

Nug inam aum. “Da tulppa keeke anidmi, da amu appi doyeg!

Genesis 37:7

Ig dad okkaippa ee aeg ikki, gumu ele ehakkadta, ehag dahil nug hibaitta dayeye, ahilag ehag amu dahil talilidna gomelppig,” awa aum.

Genesis 37:8

Nug anam a, nug awakkud ag appig. “Nahip dabmakppa na ig gumigkkutte? Genab, na ihinig okkai daakkutte?” aon appig. Ag anam anana amu, ag tul niiak nuhignu, nug nai mattiomnu ele, ag nuhignu nau ninig ele huanak dooppig.

Genesis 41:40

amunu, dahil lag enanagnu gumak uɗat oh amu, da na eppenppa mettem; na gumakkut. Dahilad danab oh ag na oɗen dim lamidkkulag. Daib am na eɗittak daakkul,” awa aum.

Genesis 41:44

Aria, anam dayeye amu, Paro nug Josep amegppa aum. “Da am Paro, daib na eɗidttem. Isip danab laa oh ag na oɗen aakkuib dim lamidkkulagnab,” awa aum.

Genesis 44:17

Nug anam a amu, Josep oɗeppa awa aum. “Iitta. Da anam iinab hepa. Danab nug kap awom ele amu, nugib dahil begbeg maɗi nid daakku. Laa oh ahilagnu amu, ag oolag maɗoɗ ele eɗun, mamelag toppa ukkeg!” awa aum.

2 Samuel 14:12

King nug anam a amu, ah nug aum. “O dahil naɗi, na king, na appe, da, nahip maɗi ah, da nai nakok laa madikkul hettem,” awa aum. Nug anam a, king nug aum. “Na appe,” awa aum.

Esta 1:12

King nug ag anam appeg dookkunu amelagppa a, ag appig, amge Kuin Wasti nug ukkaknunab anak amu dim lamidkkunu uuom. Amuam he, king nug oppoɗi be ameg kokoɗ eppe, nug oo nauhak huananab doyom.

Job 33:31

Job, na daut human, dahil nai doon dabmette! Ao, na oɗen qamutppe, da nai madikkul.

Sam 79:5

O Yawe, na ihinignu oot nauhom daatte; amu haen gane laa ele ukkeb, am nahip oo nauhak am bodoedakku? Nahip oo nauhak am hanhan daakkute? Ao, na ihinignu dahil doya laa aomanu doyak aɗan daattem. Anam amu, oo aeg bak amuam aab ewak bia diditte, am haen gane laa ele ukkeb, nahip oo aeg bak amu am iitta mekku?

Eksodas 32:22

Moses nug anam a, Aron nug Moses aum, nug nai amunu eɗua inam aum. “Danab naɗi dahil, na oot aib nauhom. Aɗinu? Na danab ah imu diilag doottem. Ag kobol nau hekkulagnu amu, ag ib amu oɗeppa daan oitteb.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Daniel 3:15

Am genab iitta daatte dayeb amu, haen elab iitta ag laa trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele baula heppeg doon, ag dottog da hemi ele noobppa dup nona binag mekkulagnu dabmak elele aon, hekkulagnu babaittak daatteb dayeb am ena. Ag am hekkulag. Amge ag dottog amu noobppa dup nona binag mekkulagnu ii dabmetteb dayeb amu, laa pahanab ag aɗualadna, aab naɗi huan eotteppa buɗiadppeg tekkulag. Anam heppeg, kayak aun nug ag ehanatta, da eppelppanu eɗua diikku?” awa aum.

Daniel 5:19

Kayak Nug king abenab attannab nug mettom amunu, wan atu ohppan danab ah, nai ohppan danab ah ele ag na mamen baɗidna, hahaɗppig. King nug laa mauhkkulagnu oo heum amu, nug he mauhppig. Laa nug ag bau daaglagnu oo heum amu, nug he, ag bau daappig. Laa nug ag okkai daaglagnu oo heum amu, nug he, ag okkai daappig. Laa ag onilag iitta daaglagnu oo heum amu, nug he, ag onilag iitta daappig.

Jon 5:22

Mama Nug danab laa ii epeɗitte. Iitta. Nug danab ah oh ag Nug binag metteb, amubia da binal mekkulagnu epeɗiak uɗat amu oh Nug Bekka da, da eppelppaib meum. Am danab nug Kayak Bekka da, da binal ii mette amu Mama, Nug da meiɗe uɗimi ele amu, Nug binag ele ii mette.

Aposel 2:29

Nug anam ana, nug nai tuɗitta aum. “O lailad, Dawit nug nai amu mattiom amu, nug nuhignu ⌊aakkuib⌋ dabmaama ii mattiom. Ig amu genabnab daatte attem doognig am, Dawit nug mauhe boumeg; nuhig boumak aben ig oonigppa gemu iikku daatte.