Genesis 43:9 - Nobonob Baibel

⁹ Da dakka, da nid amu nug gumappi gokkunig. Uug imu amu, am na noomppa dahil daakku. Da eheɗ hein amu, da nob maokkul. Da nid amu awe eɗuen ii uɗien medappi, da na noomppa hanhan beɗulppa aab ele daakkul.

Genesis 43:9 ပူးပေါင်းရင်းမြစ်များ

Genesis 31:39

Doɗ dakkuɗ laa nug doɗ nahip laa qe mauhom amu, da na ii ippunidttami. Da dakka nob eɗuttami. Amu amunppate, o iitta tuqanppate yab danab ag doɗ yab aoeg amu, na da nob eɗukkulnu wagai meme.

Genesis 42:37

Jakop anam a amu, Ruben nug aum. “Na Benyamin da eppelppa meppe, da omale gokkul. Da nug awen eɗuen ii uɗippi amu, na oot heeb, na da bekkalaɗ aɗit aakkud aqatppe mauhkkulah,” awa aum.

Genesis 43:10

Gemu na ig ii qakkiglom amu, ig haen aɗit gowot uɗilom,” awa aum.

Genesis 9:5

Doɗ oh ag eppelagppa daatteb, ag aqaglagnu elele, amge ag danab tiig gokkaɗkkulagnu am aibnab daatte. Danab nug danab laa heeb mauhkkunu elele iittanab. Doɗ nug ele danab qeeb mauhkkunu elele iittanab. Danab, o doɗ anam heeb amu, da elele medakkul.

2 Samuel 14:9

Dawit nug anam aum, amge Tekoa ah nug aum. “O dahil naɗi, na king. ⌊Am da doottem, na laa nug da bekkal qeeb mauhmanu akkut dayeb amu, na ɗo laa aakku tippalkkut amunu, uug imu babaittaknu amu, aab laa am laa beɗuppa daakku dayeb,⌋ aab amu da beɗulppa, da baeladppa beɗulagppa ele dayaɗ! Aab na beɗunppa, nahip gumikkakppa ele aib dayom,” awa aum.

1 King 1:21

Na ag amelagppa ii awona, geha na mauhppe amu, Adonaiya aɗi ag Solomon da ele, ag ihinihnu danab ah nau bia dooitnana, nitappeg mauhkkunih,” awa aum.

Job 17:3

O Kayak, da uhuqak awen, hamu gokkulnu keeke aɗi medakkulnu dabmettem amu, na amu meɗappe, da eɗuen medakkulnu oɗ medattem; na amu ii hekkut dayeb am, auntai laa ehaniɗa meɗakku?

Sam 119:122

Da am nahip maɗi nid. Na ehaniɗppe, da ena daakkulnu oɗ medattem. Na heppe, beɗuppa tak danab ag da ii eɗilna, ii gumiɗmananu unuqidttem.

Esekiel 3:18

Da ⌊na amenppa, na⌋ nau hak danab amegppa, ‘Na genab mauhkkut,’ ⌊akkutnu⌋ appi, na danab amu amegppa nug nau aomanu nai ii mattinna, na nug ii mauhmanu, nug bau daakkunu na nug eheɗ hak nuhig uua ii hemanu ii akkut amu, nau hak danab amu nug hipunin nuhignu mauhkku, amge da anidttem amu, nug mauhkku am na beɗunppa amunu, da na nob medakkul.

Esekiel 3:20

Aria, keeke laa amu, genab tutukku hak danab nug genab tutukku hak kobol uua, eheɗ hak digma haaha, ⌊oo ii eɗueb,⌋ da heppi mauhkku. Na nug amegppa nau aomanu nai ii ⌊madikkut dayeb, na ii⌋ mattime, diig amunu nug hipunin nuhignu mauhkku. Nug aɗi genab tutukku hak keeke digdig laa tatam heum amu, da amunu ii dabmepa. Anam, amge da anidttem amu, nug mauhkku amu, ⌊na nug amegppa nau aomanu nai ii mattie mauhe, mauhak nuhig am⌋ na beɗunppa amunu, da na nob medakkul.

Esekiel 33:6

Anam, amge aɗi uɗitte anittak danab amu nug kekeɗ ag ban hekkulagnu uɗitteb anatta, nug wan amuppan danab ah ag nau aomnanu trampet ii iwalkku dayeb, kekeɗ ag uɗin, danab laa qeppeg mauhkku dayeb amu, nug hipunin hak nuhigppa dayaya mauhkku, amge mauhom amu, nuhig mauhak am aɗi uɗitte anittak danab beɗuppa. Da aɗi uɗitte anittak danab eheɗ heum dookkul amunu, da bu medakkul.’ ” Yawe Nug anam aum.

Esekiel 33:8

Da ⌊na amenppa, na⌋ nau hak danab amegppa, ‘Na genab mauhkkut,’ ⌊akkutnu⌋ appi, na danab amu amegppa nug nau aomanu nai ii mattinna, na nug eheɗ hak nuhig uua ii hemanu ii akkut amu, nau hak danab amu nug hipunin nuhignu mauhkku, amge da anidttem amu, nug mauhkku am na beɗunppa amunu, da na nob medakkul.

Luk 11:50

Anam amunu, wan imunu digmakppanu propet aqe mauhak digmak Abel, nug mauhe uɗie, Sekaraia, ag nug qaɗab, Kayak laug ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku. Da genab ag amelagppa attem. Keeke imu oh am danab ah gemu daatteb ele dilagppa bekku.

Hibru 7:22

Kayak Nug Jesus mana mettak danab daakkunu, nuhig nai ɠagattag qetta aum, laa ag anukka mana mettak danab daappig, ahilagnu anam ii aum, diig amunu ig ⌊Jesusnu oonigppa genab doottem, ig dimppa nug tituana nai qakkak nai bau, ig nob ena aɗi aɗi aognignu atte amu, ig genab aognignu doottem.