Genesis 43:7 - Nobonob Baibel

⁷ Israel anam a, ag nug amegppa appig. “Danab amu nug ihinignu, amu ig baenkadppa elenu oɗmak huan haaha inam aum. ‘Ag mamelag mauhomte? O iitta, nug daattete? Ag amalag yuɗ laa elete?’ Nug anam oɗmak heum amunu, ig nuhig oɗmak amu nob meta amut aakkuib. Nug ig amanig aot gokkunignu akku amu, ig attem heta doognig. Ig ii doomut.” Ag anam aon appig.

Genesis 43:7 ပူးပေါင်းရင်းမြစ်များ

Genesis 42:11

Ig oh am danab laippu bekkod. Ig, ig nahipad maɗi nid amu, ig nai genab mattiak danabib, ig lokkumakppa atu italak danab iitta,” aon appig.

Genesis 42:13

Josep anam a amu, ag oɗeppa aon appig. “O naɗi, ig, nahipad maɗi nid, ig am awag amag 12 ele. Ig oh mamenig laippu, amu nug Kanan wanppa daatte. Amanig yuɗnab am, nug ig mamenig ele uppa uma daattep; aria ig amanig laa amu, nug padal meum,” aon appig.

Genesis 43:27

Ag anam heeg, Josep nug ag amelagppa nai ana, oɗ mattom. “Ag ena daattebte? Ag mamelag kaino daattenu anukka amelppa appig amu, nug ena ana daattete, o iitta mauhomte,” awa oɗ mattom.

Genesis 43:3

Jakop anam aum, amge Juda nug mameg amegppa aum. “Isip danab amu, nug ig amanig aot ii gota amu, ig nug anidkkunignu elele iitta, nug nai amu ɠagattag aum.

Genesis 43:6

Juda nug anam a, Israel nug aum. “Ag aɗinu danab okkai amu, ‘Ig amanig uma daatte,’ aeg doyom? Ag anam appig amunu, da uug imu doottem,” awa aum.

Genesis 44:19

O naɗi dahil, anukka na ig, nahipad maɗi nid, na ig oɗ inam mekkame. ‘Ag mamelag ana daattete? Amalag laa elete?’ oɗ mekkame.