Genesis 43:21 - Nobonob Baibel

²¹ ig eɗut gotata, ibppa niignignu hetata, ig bek uhuqta, silwa men doɗo ihinig anidmut. Silwa men doɗo ee daden memut amu, ig anamnab anidmut. Anam anidta amu, ig silwa men doɗo aot gota, aabppa daatta, gemu eɗut aot uɗimut.

Genesis 43:21 ပူးပေါင်းရင်းမြစ်များ

Genesis 43:12

Aria, laa ele, ag anukka silwa men doɗo aon ukkaeg, eɗun bek ahilkad oɗelkadppa meeg, ag aon eɗun uɗippig amu, ag aona, bau amubia ele aona qagmena, aon gokkulag. Isip danab ag anukka ootottai aqe, henana meeg, aon uɗippig.

Genesis 43:15

Jakop nug anam a amu, ag ahan, keeke ena ena amu akkan, silwa men doɗo tatam aon goppig, amu aakku aon, bau amubia ele aona, Benyamin ele omalna, aakku paha Isip wanppa, Josep gumidna goppig.

Genesis 43:20

“O naɗi, na ihinig nai dookkutnu oonig daatte. Anukka ig ee daden mekkunignu uɗit, ee aota, silwa men doɗoppa daden meta,

Genesis 43:22

Gemu ee aognignu amu, ig silwa men doɗo baula aot ele uɗimut. Amu aun silwa men doɗo ihinig tatamnu eɗua, bek ihinigppa inom amu, ig ii doottem,” aon appig.

Genesis 44:8

Antte! Ig tatam Kanan wanppanu uɗimut, eɗut gota amu, silwa men doɗo ihinig bek oɗeppa dayom anidmut amu, ig gemu amu ele eɗut aot uɗimut. Amunu ig aɗinu nahip okkai laugppanu silwa, o gol keeke yab aognig?

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Rom 13:8

Ag danab laanu lon aona amu, ag eɗun mekkulagnu haen anidna, ag aib uuppeg, hamu dayom. Ag daden meig! Laippuib, ag laa dilagnu oo mauhak kobol heppeg, elele mekkunu elele iitta amunu, ag amu hekkulagnu haen oh dabmetteg! Aɗinu? Aun nug kobol anam dim lamidtte amu, nug ɗo oh elele medatte.

Hibru 13:18

Ihinkad ooppan oiyak ippunittaknu ulum am Kayaknu neekkakppa ig beɗunigppa aab iitta ippunigtte oonigppa genab doottem, ig haen oh tutukkuib oignignu oonig daatte amunu, ag Kayak ig ehanigkkunu unuqitteg!

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 3:16

amge na oo bodoettak kobol, na laanu ena elele doyak kobol ele dim lamidna, anam he! Danab laa ag na Kristusnu daanna, hak ena hettem anidna, ag baeg qak nai nahipnu maditteb amu, ag amunu uɗalag nekkunu na beɗunppa aab iitta eleppa henan oikkut.