Genesis 43:12 - Nobonob Baibel

¹² Aria, laa ele, ag anukka silwa men doɗo aon ukkaeg, eɗun bek ahilkad oɗelkadppa meeg, ag aon eɗun uɗippig amu, ag aona, bau amubia ele aona qagmena, aon gokkulag. Isip danab ag anukka ootottai aqe, henana meeg, aon uɗippig.

Genesis 43:12 ပူးပေါင်းရင်းမြစ်များ

Genesis 42:25

Hippaleg amu, Josep nug maɗi nid nuhikkud ag Josep awakkud ag ahilag bek ohppa ee aeg inadna, silwa men doɗo, ee aeg dadennu, amu ele eɗun bekppa inadna, ibppanu ee ele bappaidkkulagnu aum. Nug anam aum amunu, ag anam heeg,

Genesis 42:35

Ag mamelag amegppa anam ana amu, ag oh ee aon gona, ee mak abenppa gokkaɗadnana, ag anen anen ahilag silwa men doɗo bek ooppa anidppig. Haen ag mamelag ele oh silwa men doɗo amu anidna amu, ag Isip dilag danab okkai aladmanu baɗappig

Genesis 43:13

Ag amalag ele aon, Isip danab toppa paha gokkulag,” awa aum.

Genesis 43:21

ig eɗut gotata, ibppa niignignu hetata, ig bek uhuqta, silwa men doɗo ihinig anidmut. Silwa men doɗo ee daden memut amu, ig anamnab anidmut. Anam anidta amu, ig silwa men doɗo aot gota, aabppa daatta, gemu eɗut aot uɗimut.

Genesis 43:22

Gemu ee aognignu amu, ig silwa men doɗo baula aot ele uɗimut. Amu aun silwa men doɗo ihinig tatamnu eɗua, bek ihinigppa inom amu, ig ii doottem,” aon appig.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Rom 13:8

Ag danab laanu lon aona amu, ag eɗun mekkulagnu haen anidna, ag aib uuppeg, hamu dayom. Ag daden meig! Laippuib, ag laa dilagnu oo mauhak kobol heppeg, elele mekkunu elele iitta amunu, ag amu hekkulagnu haen oh dabmetteg! Aɗinu? Aun nug kobol anam dim lamidtte amu, nug ɗo oh elele medatte.

2 Korint 8:21

Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.