Genesis 43:11 - Nobonob Baibel

¹¹ Anam awa a amu, ag mamelag Israel nug aum. “Ig ib laa iitta amunu, ag inam hekkulag. Ag wan imuppanu keeke ena ena laa, amuam marasin, uppuh leppu, spais digdig, mir, amu ad aɗit onilah pistasia, almon ele, amu meulti lanaknu ele laa aon, bek ahilkadppa inona gona, Isip danab amu, nuhig daakkunu hamu mettaglag.

Genesis 43:11 ပူးပေါင်းရင်းမြစ်များ

Genesis 33:10

Awa a amu, Jakop nug aum. “Iitta. Na oot dahilnu ena daatte dayeb amu, keeke da mettami am diikkutnu ool naɗi daatte. Aɗinu? Da Kayak iɗu anidlom amu, da ool okkai gamag ahalo. Amu na ena humiɗme amunu, da na iɗun anidttem, am da Kayak anidlom bia doottem.

Genesis 37:25

Moɗppa dayeye, nug awakkud ag daanna, ee laegeg, Ismael buɗub Midian wanppanu laa ag Gileatnu uɗin, Isip gokkulagnu doeg, kamel ahilag ag spais digdig, marasin, amu mir ele maon ukkaegeg, Josep awakkud ag danab amu anadna,

Genesis 43:10

Gemu na ig ii qakkiglom amu, ig haen aɗit gowot uɗilom,” awa aum.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

Genesis 43:15

Jakop nug anam a amu, ag ahan, keeke ena ena amu akkan, silwa men doɗo tatam aon goppig, amu aakku aon, bau amubia ele aona, Benyamin ele omalna, aakku paha Isip wanppa, Josep gumidna goppig.

Genesis 43:25

Matte amu, Josep awakkud, amag ele ag keeke ena ena Josep, nuhig daakkunu hamu mettaglagnu aon goppig amu, ag keeke amu bappaidppig. Aɗinu? Ag Josep ele amun ee lanak haenppa ee lakkulagnu amu tatam dooppig.

Genesis 43:26

Daaegeg, Josep uɗie amu, ag keeke ena ena aon uɗippig amu, ag Josep, nuhig daakkunu hamu mettan, ag nug noobppa gatelag qaun ona, gomelna, iɗulag wanppa meppig.

1 King 10:15

Laa ele, Solomon nug keeke laihnu awa dadennu mak danab, nug amu dilagppa takis men doɗo awewe, amu Arebia dilag king anen anen, am gawana Israel wan oppatakppa daatteb ele, ag ele Solomon men doɗo medattappig.

1 King 10:25

Danab ag Solomon anidkkulagnu oolag daye, maɗ maɗ uɗittappig ele amu, ag oh keeke ena Solomonnu daakkunu hamu mettaglagnu ele aon uɗippig. Ag keeke silwappa hak, golppa hak, ag lamen elab, ag bannu keeke, ag spais digdig, ag hos, amu ag doɗ onig miul ele diin uɗin, Solomon medappig.

1 King 15:19

Asa nug anam ha, nug pas ele Benhadatnu babaitta me ukkom. Pas amuppa yaak inam dayom. “I manenti anukka hepiɗ bia, i ele nug layam daagnihnu, i nug tituanɗa, nai qakkalopnu da ool daye, da silwa, gol ele imu nahip daakkunu hamu na mettaglagnu ehanittak anuqak danab dahilad laa mattai, ag aon gona medatteb. Da am na Israel dilag king Basa ele aa nug tituanya nai qagapiɗ amu, na nai amu otaɗppe, nug nuhig ban danab amu oh diieb, wan dahil uun gokkulagnu ool daatte.” Nai amu nug ehanittak anuqak danab nuhikkud eppelagppa meum.

1 King 4:21

Solomon nug ɗo maɗoɗ laala dilag king ele dayom; ɗo maɗoɗ amu gumomnu tom heqo laih aam bedeppanu am, le Yupretis, appa. Aam nodeppa Pilistia dilag wanppa noum. Tom laa yau uɗitteppanu am Isip dilag tom. Wan amu oh en takis bia Solomon mettanna, nug waappa daaegeg ukke, nug mauhe batak.

2 King 16:8

Amu Ahas nug silwa, gol ele Yawenu mettid lag, amuppanu awa, kingnu lag enanagnab, appan en maknu oo anen anenppanu ele awa, Asiria dilag king nug uɗia, Juda ehanadkkunu, nug keeke amu nuhig daakkunu hamu medakkunu me ukkom.

2 King 20:12

Haen amuppa Baladan bekka, Merodak Baladan, nug Babilon dilag king dayom. Nug king dayaya, nug Hesekaia oɗe me doyom amunu, nug nuhikkud danab laa ag pas laala, keeke ena laa ele ag aon gona, nuhig daakkunu Hesekaia hamu mettaglagnu maatte goppig.

2 King 8:8

Aria, king nug nuhig ban daup ikki laa Hasael, nug amegppa aum. “Na keeke nuhig daakkunu hamu mettak laa aon, aɗan gona, Kayaknu danab Elisa anidna, nug da dahil oɗe imu iitta meeb, ena daakkulte o iittate amu, nug Yawe oɗ metteb, ab doyeb, ab dookkulnu oɗ mette!” awa aum.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Sam 68:29

Na nahip mettid lag Jerusalem daatte amu, wanppan king anen anen ag en takis bia, na mettaglagnu aon uɗin, appa na medatteb.

Sam 72:10

Tarsisnu king, amu wan umanu king ele, ag en takis bia, aon uɗin mettaglag. Ao, aab aɗit, aa oh onilti am Seba, ahilti king ag keeke ena ena aon, nug gumidna wana, keeke amu nuhig daakkunu hamu mettaglag.

Sam 76:11

Ag Yawe, ahilag Kayak, ag Nug amegppa keeke genabnab hekkulagnu nai anan qakkeg! Amu ag aɗi keeke hekkulagnu akkulag amu, ag heig! Ao, danab ah wan laala miag miag daatteb oh ag nuhig keeke ena ena akkan uɗin metteg! Nuhignuib danab ag ebehilag oh bodoetta le mekkunu elele; laa iitta.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Prowerb 17:18

Danab nug epeɗia ha dabmak ena awak kobol ii dootte ele, nug mudippan laa lon aotte, nug layag elele iitta daakku dayeb, nug lon amu eɗua daden mekkunu, nug genab haknu maditte. Ge, nug layag lon aotte ele, nug layag elele iitta daakku dayeb, nug layagnu lon daden mekkunu nuhig nai ɠagattag qeta maditte.

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

Prowerb 19:6

Danab kuɗum ag danab okkai nug ahilagnu ena dookkunu, ag kobol digdig hetteb. Ao, danab oh ag laa nug keeke kuɗum awa, laa ahilag daakkunu hamu madattenu, “Da am nug layag daattem,” atteb.

Prowerb 21:14

Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.

Solomonnu Ahi 4:10

O ah dahil, na dahil ah daakkutnu awidmi. Nahip oo mauhaknu amu, da enanagnab doottem, am ubuhi ele. Da wain lakkulnu ool hette, amge nahip oo mauhak amu, am wain lanak eɗitta auta autanab aotte! Spais ena ena digdig am muttuɗig enanag, amge leppu muttuɗig enanag na beɗunppa laidttem amu, muttuɗig amuam spais amunu muttuɗig eɗitta auta autanab aotte.

Solomonnu Ahi 8:14

O danab dahil, na dahilnu oot mauhtte. Doɗ gasel, o doɗ dia bau, doɗ amu ag qaukoppa, spais bettebppa qaiettan gotteb amu; na anam qaiettan, dahilppa uɗikkutnu ool daye, anam hekkutnu od medattem.

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Esekiel 27:15

Anam amu, Rod danab, yu ihippan danab laala ele, ag ele uɗin, nahip keeke aoglagnu daden meppig. Ag ad eboni, amu elepan aeg eleppa daden meppig

Esekiel 27:17

Amu oh ag anam heegeg, Juda, Israel ele ag nahip keeke aoglagnu dabmenana, ag aben aɗit onilah Minit, Panag ele, appa ag wit ebatteb amu, ag wit amuppanu, uppuh leppu, goɗen, marasin ele aon uɗin, nahip keeke aoglagnu, amuppa ag daden meppig.

Esekiel 27:22

Keeke laihnu awa dadennu mak danab Sebanu, Ramanu ele, ag ele uɗin, nahip keeke aoppig. Ag spais enanagnab, laa oh eɗattak, men daden nob okkainab ele, amu gol ele aon uɗin meeg, na amu aon, nahip keeke ag mattame.

Lewitikas 20:24

Amge, wan ahilag, wan amuam enanag, wan ittag ele, amuppa ee meu huana otte amu, da wan amu madappi, ag aoglagnu nai ain qakkami, wan amuam ag aulag daakku. Da am Yawe, ahilag Kayak. Da aakku, ag danab laa oh oolagppanu ag danab ah laa daaglagnu tituanadmi.

Aposel 21:14

Nug anam awa a, ig nuhig dabmak eɗugnignu elele iitta anidmut amunu, ig nai amu baula ii mattita inam amut. “Naɗi nuhig dabmaknab awak aakkuib baɗ!” aot amut.

Duteronomi 33:14

Nug heeb, ee enanag laala, aamppa betteb ele beppeg aoglag. Nug heeb, ag kalam anen anenppa ee meu enaib oppeg aoglag.

1 Samuel 25:27

Da, da am nahip maɗi ah amu, da keeke awe uɗimi imu, da na, dahil naɗi, da nahip daakkunu na hamu medakkulnu hettem. Na keeke amu, danab na dim lamidtteb ele, na ag eppelagppa mekkutnu ool daatte.

1 Samuel 9:7

Maɗi nid nug anam a, Saul nob ma aum. “Amge i nug gumidɗa gokkunih dayeb amu, i aɗi keeke nakok Kayaknu danab amu mettagnih? Aɗinu? Ee ihinih battamppanu oh iitta meum. I keeke laa nug mettagnihnu am iitta. I aɗi keeke mettagnih?” awa aum.