Genesis 42:9 - Nobonob Baibel

⁹ Ele amu, Josep awakkud ag Josep noobppa teeg, Josep anatta, nug anukka ahilagnu tul niiom, tul niiak amu nug daugppa doum. Aria, anam amu, nug ag amelagppa aum. “Ag am lokkumakppa atu italak danab. Ag ig wanenig laih atten ban haknu daup iitta, ag amu anidkkulagnu uɗippig,” awa aum.

Genesis 42:9 ပူးပေါင်းရင်းမြစ်များ

Genesis 37:11

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Genesis 42:34

Ag anam hekkulag, amge ag eɗun uɗiglag henana, ag amalag yuɗ ele aon uɗiglag. Ag anam heppeg amu, da ag danab nai genabib maditteb doyeye, ag lokkumakppa atu italak danab iitta ele doyen, da ag lailag eɗue madappi, ag wan imuppanu ee aoglagnu elele,’ awa aum.” Ag anam appig.

2 Samuel 10:3

Ag nai amu aon, Amon wanppa gona teppig, amge Amon dilag anuqak danab laa ag ahilag okkai Hanun amegppa appig. “Dawit nug danab imu ag uɗin, oo doyak ehanittak nai amenppa akkulagnu maatte uɗippig amu, am nahip dabmakppa nug diig amunu na mamen genab binag mekkunu hette dabmettemte? Amunu iitta. Dawit nug danab imu ag nagattoppa uɗin, ag oinna, aab okkai imu lokkumakppa italna anidna, nug amegppa attem daatte appeg, Dawit nug uɗia, ig eɗigkkunu maatte uɗippig,” aon appig.

Eksodas 32:35

Aron makau gaiɗ dottog golppa he, ⌊nug, danab ah ele ag hipunin heppig⌋ amunu, ⌊haen tutukkuppa amu,⌋ Yawe Nug he, oɗe nau danab kuɗum aqe mauhtteb ele laa ag aqom.

Namba 13:2

“Danab laala ag Kanan wan, da ag Israel madattem amu, ag tutukku anidkkulagnu maadppe ukkeg! Israel dilag huu okkai anen anen, huu amu ag tatam beppig daatteb amu, na anen anen amuppanu, ikki danab laippu tituanadna maadppe, ag gona wan anidkkulag,” awa aum.

Luk 20:20

Aria mana mettak danab okkai amu ɗo mehuqak danab ele ag Jesus meidnana daanna heeg, ameg qakkak danab laala ag ahan Jesus gumidna goppig. Ag gona, Nug noobppa danab tutukku bia henan daappig, amge ag nuhig nai mattiak amuppa, ag ib laa anidna, aon gabmannu hettoɗiak eppegppa mekkulagnu heppig.

Hibru 11:31

Rahap, nug am ib baag ah, nug Kayak aɗi hekkunu aum doya amu, nug Kayaknu ooppa genab doyom amunu, nug lokkumakppa atu italak danab aɗit laa, aab italaknu uɗipiɗ ele, nug aa ele laippu dayaknu ooppa eleleib doya ehanatom amunu, nug padal mak eheɗ hak danab ag aoppig ele amu, nug amuppa padal ii meum.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 6:23

Aakku lokkumakppa atu italak danab bau amu aa goya, Rahap, nug mameg, anig ele, nug laikkud, amu nuhigppan oh, nug ele daappig amu, aa ag oh diiya uɗipiɗ. Aa nug baegppan oh diiya, Israel dilag haen tutu dayaknu aab kalak amu dimittim, appa matteh daappig.

Ikki Danab 1:24

lokkumakppa atu italak danab ag danab laa aab okkaippanu dimittim uɗiyeye anidna, ag nug amegppa appig. “Na aab okkai imu ooppa noaknu ib ippunigppe amu, ig nahipnu oo bodoettak doot, na ehanidpput, nahip-ppa eheɗ laa ii bema,” aon appig.

1 Samuel 26:4

nug lokkumakppa atu italaknu danab laala maatte, ag gona oippig. Ag gona anidppig, am genabnab Saul nug teum, Hakila daatte anidppig. ⌊Ag anam anidna, ag eɗun gona, Dawit amegppa amunu appig.⌋