Genesis 42:6 - Nobonob Baibel

⁶ Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.

Genesis 42:6 ပူးပေါင်းရင်းမြစ်များ

Genesis 18:2

nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

Genesis 19:1

Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

Genesis 33:3

Maattowa, Jakop nukka anuqa ugakka, haen eblaih aɗit gateg qaun o, gomela, iɗu wanppa mak haaha, awag guguitta waum.

Genesis 41:43

Palitteg, Paro nug oiyaknu karis laa, karis amuam danab aun Paro nugib Isip wanppa eɗittom amu, nug amuppa oikkunu dayom, nug karis amu awa, Josep mette, nug amuppa oiyom. Amu Josep nug oiyaknu karisppa ugekke, Paronu daup danab laala ag danab ibppa oippig, ag qemekkulagnu eegeg, Josep nug ukkom. Paro nug anam heum amunu, Josep nug Isip wan ohnu gawana dayom.

Genesis 41:54

enug haen maɗ eblaih aɗit ele digma neum. Josep aum, amubia beum. Wan laala ohppa enug haen beum, amge Isip wan ohppa amu, ag am ee ele.

Genesis 41:57

Wan ohppa enug haen beum amunu, danab wan ohppanu ag ele Josep gumidna, Isip wanppa gona, ee daden meppig.

Genesis 44:14

Aria haen Juda awakkud amakkud ele ag eɗun, Josep laugppa ukkaeg, Josep ii ahom, appa dayeye, ag nug noobppa gatelag qaun ona, gomelna, iɗulag wanppa meppig.

Genesis 45:26

Gona tena amu, ag Jakop amegppa appig. “Josep nug ii mauhom! Nug Isip wanppa bau daatte. Am genab, am laa ele amu, nug wan amu ohnu gawana daatte,” aon appig. Ag anam aeg amu, Jakop nug huan ottaia, ahilag nai amu ooppa genab ii doyom.

Genesis 45:8

Anam aakku amunu, ag heeg, da ii uɗimi. Kayak Nug he, da uɗien, ippa Paro mameg bia daattem. Da nug laugppanu keeke oh gumen dayeye, Isip ohnu gawana ele daattem.

Genesis 48:12

Nug anam a amu, Josep nug nid aɗit nug mameg baegppanu diiata, piɗe maata, nug mameg noobppa gateg qaun o, gomela, iɗu wanppa meum.

Prowerb 11:26

Enug nau haenppa, danab ah ag ee iitta ele, ag danab laa nug ee oo qe, laa ag daden mekkulagnu uua aɗatte amu, ag nug eheɗ laa awaknu anak waappa daakkunu atteb; amge ag danab nug ag ee daden mekkulagnu mette ele, ag nug itidtteb.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

1 Samuel 20:41

Am nid bau nug eɗua ugekke, Dawit nug men heqo laih yau uɗitteppanu aha uɗia, Jonatan gumitta do, gateg qaun o, gomela, iɗu wanppa me, haen ewam batom. Amu dimppa amu, aa nug ootuqidya gaapiɗ, amge Dawitnu gayak am Jonatannu gayak eɗittom.