Genesis 42:4 - Nobonob Baibel

⁴ Ag goppig, amge Jakop nug Josep amag Benyamin hagakka awe, ii ukkom. Aɗinu? Jakop nug Benyamin mauhmanu oo okkai baɗom.

Genesis 42:4 ပူးပေါင်းရင်းမြစ်များ

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Genesis 3:22

“Danab nug keeke ena, nau ele doya, ig bia daatte. Bau dayaknu ad dad gamagppa daatte amu, nug meu amu lawowa, haen oh daamanu, nug dad imuppa ii daama,” awa aum.

Genesis 35:24

Rahel bekoɗ am Josep, Benyamin ele.

Genesis 42:3

Nug anam a amu, nug bekkod, ag am Josep awakkud eblaih laih ele amu, ag ee aeg daden mekkulagnu ahan, Isip goppig.

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

Genesis 43:29

Iɗulag wanppa meppig amu, Josep nug neekke ukke, nug amagnab Benyamin antta, nug aum. “Ag anukka amalagnu aeg doomi amu, nug uukkute?” awa oɗ mattom. Awa oɗ matte amu, ag, “Yo,” aon appig. Anam aeg, Josep nug aum. “O da bekkal, Kayak na itidkkunu ool daatte,” awa aum.