Genesis 42:28 - Nobonob Baibel

²⁸ Antta amu, nug laikkud amelagppa aum. “Silwa men doɗo dahil am, danab laa eɗua meɗom. Am dahil bek oɗeppa iikku daatte,” awa aum. Awa a amu, ag ottaina, eheɗ baɗan, akka akka madippig. “Kayak Nug ihinignu attem hekkunu hette?” aon appig.

Genesis 42:28 ပူးပေါင်းရင်းမြစ်များ

Genesis 27:33

Anam a amu, Aisak nug ottaie, beɗu ele huana hahaɗom. Hahaɗe amu, nug aum. “Danab aun tatam doɗ qa awa uɗiom? Da geha iikku lawoya, nug itittak ena mettai ele na beme. Da nug itidmi amunu, itittak ena amu nug beɗuppa haen oh daakku,” awa aum.

Genesis 42:29

Aria, haen ag gona, Kanan tena amu, ag mamelag Jakop amegppa nai amu oh mattina,

Genesis 42:36

Amu keeke amu oh anam be, Jakop nug ag amelagppa aum. “Ag heppeg, da nid iitta daakkul. Josep am iitta. Simeon ele am iitta, gemu ag Benyamin aon gokkulagnu hetteb. Uug amu oh da maottem,” awa aum.

Genesis 43:23

Ag anam aeg amu, Josep laug gumak danab nug aum. “Ag maɗoɗ doonna, aib baɗappig. Kayak ahilag, Nug ag mamelagnu Kayak, Nug ahilagnu nob ena mattom. Da silwa men doɗo ahilag tatam aon uɗippig amu, da aomi,” awa aum. Anam ana amu, nug ukka, Simeon omala uɗie, oh daappig.

1 King 10:5

nug King Solomon ee ena kuɗum deɗ ohppa aotte, amu nuhikkud ehanittak anuqak danab, amu ele kuɗum, ag nug ele daanna ee lappig amu, nug amu ele anttom. Laa amu nug kingnu maɗi nid, ag ahilkad lamen elab enanag ele, nug ag ele anattom. Aria, nug kingnu wain paniak danab anatta, laa amu nug doɗ Solomon nug diia, Yawenu mettid lakka ukka, manaknu ofa hettom amu, nug amu ele anttom. Kuin nug keeke ena amu oh anam anatta, nug ooppa ottaiak beebe, dabmak kuɗum awom.

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Solomonnu Ahi 5:6

Da aɗen, od matulen, laa dahilnu oo mauhtte ele mettami; amge nug appa ii dayom, nug ukka malom. Da nug baag baula dookkulnu ool huana dayom. Da nug anidkkulnu mattimi, amge da nug ii anidmi. Da onigppa emi, amge nug da oɗelppa nakok laa ii awom.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Gayak Nai 2:17

Yawe Nug aɗi keeke hekkunu maittak awa dayom amu, Nug aakku heum; Nug anukka aɗi keeke hekkunu ɗo nai aum amu, Nug he, nai amu meu oum. Nug oo gai-iitta doya oo metta ehanittak kobol ii dabmaama he, kekeɗ ag heeg, ag Juda, ag padal meppig. Ao, Nug he, ag Juda, ag nena qeppig amu, ahilkad kekeɗ ag amunu gamag ahak nau okkainab dooppig; Nug he, ahilkad kekeɗ ag ɠagattagnab daan oitteb.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Lewitikas 26:36

Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Luk 21:26

Geha danab ah kuɗum ag keeke wanppa bekku amunu dabmenana, ag oolag huan baɗeb, amelag uu edakku. Aɗinu? Habppan hoɗoppai ag uɗalnana, ag ippulag tutukku ii dim lamidmana.

Duteronomi 28:65

Wanppan wan anen anenppa amu, appa ag oolagppa ag aben ena, maɗoɗppa dayaknu laa ii anidmana. Yawe Nug heeb, ag eheɗ naunab baɗaglag. Ag eɗun aabppa uɗiglagnu oolag huannab hekku, me ag uɗiglagnu elele iitta daaglag. Ag, “Ig am eɗut ena ii daamta,” aakkuib dabmekkulag.