Genesis 42:24 - Nobonob Baibel

²⁴ Josep nug nai ahilag doya, nug uuatta, aben laih ukka gayowa, nug eɗua gumatta noa, ag amelagppa nai mattia, ag amelagppa ele Simeon tituana he, ag hippalppig.

Genesis 42:24 ပူးပေါင်းရင်းမြစ်များ

Genesis 34:25

Anam heeg, deɗ ewam dimppa danab gaɗalkad otaɗppig amu, ag ihilag guattette, Jakop bekoɗ Simeon, Lewi ele, aa Daina awakuɗ, aa ahaya, qep elab aɗuatya, banelag goya, aab mattaya oieheh, aab okkai amuppan danab ag uug laa bekkunu dab-ii-mena daaegeg, aqaglahnu oiya, danab amu oh aqadpiɗ.

Genesis 42:23

Ag akka akka anam madippig, amge haen Josep nug awakkud ele nai mattiegeg, danab laa, nug am nai eɗuak danab amu, nug gamagppa dayaya, nug Hibru nai Isip naippa eɗuom, amu nug Isip nai Hibru naippa ele eɗuom amunu, Josep awakkud ag Josep nai ahilag doyom amu, ag ii dooppig.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

Genesis 43:23

Ag anam aeg amu, Josep laug gumak danab nug aum. “Ag maɗoɗ doonna, aib baɗappig. Kayak ahilag, Nug ag mamelagnu Kayak, Nug ahilagnu nob ena mattom. Da silwa men doɗo ahilag tatam aon uɗippig amu, da aomi,” awa aum. Anam ana amu, nug ukka, Simeon omala uɗie, oh daappig.

Genesis 43:30

Anam awowa, nug amag anttomnu oo huan doyeye, gaakkunu paha aha, nug ag uuatta, lagnu oo laappa noa, lokkuma gayom.

Genesis 45:1

Aria, Juda anam a amu, Josep nug gayak ooppa ambeum amunu, nug nuhikkud ehanittak danab amelagppa aum. “Ag oh dimittim ukkeg!” awa aum. Nug anam a amu, ag oh goppig. Ukkaeg, haen Josep nug amag awakkud ele amelagppa, “Da am Josep,” aum amu, laa nug appa ii dayom; nug, amu nug amag awakkud ele aakkuib.

Genesis 45:2

Josep nug huana gayeye, Isip danab ag doon, laa Paro laugppa daappig ele amunu dooppig.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.