Genesis 42:13 - Nobonob Baibel

¹³ Josep anam a amu, ag oɗeppa aon appig. “O naɗi, ig, nahipad maɗi nid, ig am awag amag 12 ele. Ig oh mamenig laippu, amu nug Kanan wanppa daatte. Amanig yuɗnab am, nug ig mamenig ele uppa uma daattep; aria ig amanig laa amu, nug padal meum,” aon appig.

Genesis 42:13 ပူးပေါင်းရင်းမြစ်များ

Genesis 37:30

Pattiɗa, nug eɗua amakkud gumatta ukka, amelagppa aum. “Nid uppa ii daatte. Da attem hekkul?” awa aum.

Genesis 42:11

Ig oh am danab laippu bekkod. Ig, ig nahipad maɗi nid amu, ig nai genab mattiak danabib, ig lokkumakppa atu italak danab iitta,” aon appig.

Genesis 42:12

Ag anam aon aeg amu, Josep oɗelagppa awa aum. “Iitta! Ag ig wanenig adeppa ban danab iitta, ag amu anidkkulagnu aakku uɗippig,” awa aum.

Genesis 42:14

Aon aeg amu, Josep nug aum. “Da matu ami aakku, ag am lokkumakppa atu italak danab.

Genesis 42:32

Ig awag amag 12, danab laippu bekkod oittem. Oonigppanu laippu padal meum, amu amanig yuɗ nug mamenig ele Kanan uppa uma daattep,’ aot amut.

Genesis 42:36

Amu keeke amu oh anam be, Jakop nug ag amelagppa aum. “Ag heppeg, da nid iitta daakkul. Josep am iitta. Simeon ele am iitta, gemu ag Benyamin aon gokkulagnu hetteb. Uug amu oh da maottem,” awa aum.

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Genesis 43:29

Iɗulag wanppa meppig amu, Josep nug neekke ukke, nug amagnab Benyamin antta, nug aum. “Ag anukka amalagnu aeg doomi amu, nug uukkute?” awa oɗ mattom. Awa oɗ matte amu, ag, “Yo,” aon appig. Anam aeg, Josep nug aum. “O da bekkal, Kayak na itidkkunu ool daatte,” awa aum.

Genesis 43:7

Israel anam a, ag nug amegppa appig. “Danab amu nug ihinignu, amu ig baenkadppa elenu oɗmak huan haaha inam aum. ‘Ag mamelag mauhomte? O iitta, nug daattete? Ag amalag yuɗ laa elete?’ Nug anam oɗmak heum amunu, ig nuhig oɗmak amu nob meta amut aakkuib. Nug ig amanig aot gokkunignu akku amu, ig attem heta doognig. Ig ii doomut.” Ag anam aon appig.

Genesis 44:20

Na anam oɗ mekkae amu, ig amut. ‘Ao, amanig laa ele, amu ig mamenig nug kaino ma dayeye, nug wau laa ig amanig anig amu, nug ele oiyya, ig amanig amu menuom. Amge ah amu nug nid amanig laa tatamnu menuom amu, nug mauhom amunu, ig mamenig nug ah amunu nid laa iitta; ig amanig nug nukka aakkuib. Anam amunu, ig amanig amu, nug mameg nuhignu, nug oo huan mauhtte.’ Ig anam aot amut.

Genesis 44:28

Laa nug ukka, eɗua ii uɗie, da ami. “Doɗ dakkuɗ qa laum,” awe ami. Gemu ele da nug ii anidttem

Genesis 45:26

Gona tena amu, ag Jakop amegppa appig. “Josep nug ii mauhom! Nug Isip wanppa bau daatte. Am genab, am laa ele amu, nug wan amu ohnu gawana daatte,” aon appig. Ag anam aeg amu, Jakop nug huan ottaia, ahilag nai amu ooppa genab ii doyom.

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Gayak Nai 5:7

Ig mamenkad aɗi hipunin hena, iitta meppig; amge ig ahilag bu mattak maot oittem.

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Matyu 2:18

“Laa Rama appa gayeye dootteb. Ge, appa laa nug gayaya, eheɗ mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa aum.