Genesis 41:8 - Nobonob Baibel

⁸ Nug amu doya, wagɗe buttuanab amu Paro nug tul niiak aɗitnu dabmak kuɗum awe, oo ii maitte, nug Isip dilag baɗ mak danab, doyak danab ele onilagppa e, nug noobppa goppig. Ag ukkaeg, Paro nug tul niiom, nug amu ag amelagppa mattiom, amge ag mehuqkkulagnu am elele iitta.

Genesis 41:8 ပူးပေါင်းရင်းမြစ်များ

Genesis 40:6

Tuqan niioya, buttua ahaya daaeheh, haen Josep nug ukka, gumata ta amu, aa oolah uug ele, iɗulah tiguguɗak ele anatom.

Genesis 40:8

Nug anam a amu, aa apiɗ. “I oh tuqan tul niimuɗ, amge danab laa ihinih tul niiaknu diig ab doognihnu ippa iitta,” aoya apiɗ. Anam aeh amu, Josep nug aum. “Tul niiaknu diig amu Kayak, Nugib ippunigtte. Tul niiak ahilah apeɗ dookkul,” awa aum.

Genesis 41:15

Josep ukke amu, Paro nug amegppa aum. “Da tul niimi, amge danab laa nug tul niiak amu, diig nuhig mehuqkkunu elele iitta. Anam aakku, amge na am tul niiak doona, na diig mehuqkkutnu elele aeg doomi,” awa aum.

Genesis 41:24

Aria, ee aeg ikki aelkad kuɗum iitta ag ee aeg ikki ena, aelkad ambak ele ladappig. Da tul niiak amu oh baɗ mak danab amelagppa mattimi, amge danab amu laa nug diig mehuqatkkunu elele iitta,” awa aum.

Genesis 41:7

Aria, ee aeg ikki aelkad kuɗum iitta ag ee aeg ikki ena, aelkad ambak laatteg anttom. Paro nug amu antta aha, nug tul niia doyom.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Eksodas 7:11

Paro nug amu antta amu, nug nuhikkud doyak danab, emaɗ hak danab, ele onilagppa e uɗippig. E uɗina, Isipnu baɗ mak danab amu, ag baɗ mak kobol ahilag hena, ag ele kobol amu heppig.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 8:7

Aron nug anam heum, amge Isip dilag baɗ mak danab ag ele baɗ ahilag heeg, og kuɗum le uun bena, Isip wanppa goppig.

Eksodas 9:11

Am Isip dilag baɗ mak danab ag Moses gumidna uɗiglagnu elele iitta. Aɗinu? Ag beɗulag mamattin he nauhom; ihilag ele. Isip danab ah laa oh ihilag mettom, amubia ag ele ihilkad ele,

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Daniel 1:20

Ag kingnu ikki danab daaeg, king nug aɗi doyak dabmak ena elenu keeke, o diignu doyak tutukkunu keeke, nug amunu oɗ mattom amu, ahilag oɗmak nob amunu am ena, elelenab. Wan amuppan baɗ mak danab digdig, ag ele oɗmak amunu nob king medappig, amge ahilag nob, amunu meu am huppu nakokib awom. Daniel laikkud ele dilag nob am meu okkainab king ippunittom. Kingnu ɗo maɗoɗ ohppan danab amu, ag oh anamib.

Daniel 4:18

Da Daniel amegppa anam mattie, da tuɗitten, nug amegppa ami. Da, Nebukatnesar, da tul niien, keeke anam anadmi. Doyak danab laa ag dahil ɗo maɗoɗppa daatteb, ag tul niiak amunu meu appeg dookkulnu elele iitta amunu, O Beltesasar, na amunu meu appe doyei! Da doottem, kayak ouɗi nahip-ppa daatteb amunu, na elele,” awe ami.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 4:5

Da anam dayeye, deɗ laa da tul niie, da baɗami. Da niiak abenppa tul niien, tulegleg anidmi amu, tuleglegppa keeke digdig anadmi ag heeg, da eheɗ nau baɗami.

Daniel 4:6

Da eheɗ nau baɗami amunu, da laa ag Babilon dilag doyak danab oh ag da gumiɗna uɗin, tul amunu meu appeg dookkulnu onilagppa eppeg uɗiglagnu haknunab nai ag mattami.

Daniel 4:7

Da anam hei, baɗ mak danab, emaɗ danab, doyak danab, eman danab ele ag da gumiɗna uɗippig, amge da tul niien aɗi anidmi ai doon, ag tul niiak amunu meu appeg dookkulnu elele iitta.

Daniel 5:11

Nahip ɗo maɗoɗppa danab laa daatte, kayak ouɗi nuhigppa daatteb. Na mamen nug king dayeye, laa ag danab amu nug dabmak meu unuqagnu ele, nug dabmak pehettak ele, nug doyak dabmak ena ele amu, laa ag nug amubia daye anidppig. Nug kayak daatteb bia daye anidppig. Am Nebukatnesar, nug na mamen, nug king, nug danab amu nug am Babilon dilag baɗ mak danab, emaɗ danab, doyak danab, eman danab ele dilag okkai daakkunu tituana, nug aben amuppa meum.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Lewitikas 19:31

Ag mauhak ele gamag danab, mauhak ele mattiak danab ele gumadna goppeg, ag heppeg, dahil neekkakppa ag oolagppa dubuttid tak ele daaglag amunu, ag aib gumadna goppig. Da am Yawe, ahilag Kayak.

Lewitikas 20:6

Am aun nug danab ah oolagppa, dahilnu ooppa genab ii doya, nug mauhak ele gamag danab, mauhak ele mattiak danab ele dabmadatta dim lamadkkunu gumatta gokku, nug amu dilag kobol digdig ele dim lamidkku dayeb amu, da geha danab amu eheɗ hedakkulnu doyeye dayen, da heppi, nug Israel oolagppanu geɗittak daakku.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Matyu 2:1

Maria nug Juda wanppa, Betlehem appa, Herot okkai king dayeye, Jesus menue, hoɗoppai magau danab ag aam bedeppanu ahan uɗin, Jerusalem bena oɗ meppig;

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Aposel 7:22

Anam he, Moses nug okkai ma amu, Isip dilag doyak oh doya malowa, nug danab, nuhig nai mattiak amu nuhig uɗat ele am ɠagattag, anam dayom.

1 Korint 1:19

Nai amunu Kayak naippa, nai laa daatte. Nai amuam inam. “Da geha danab doyak dabmak ena ele dilag doyak dabmak ena ele heppi nauhkku. Ao, danab ag doyak okkai ele, ahilag doyak okkai amu da heppi, iitta mekku, baula ii daama.”

1 Samuel 6:2

Nug anam kalam eblaih aɗit ele dayeye, Pilistia danab ag ahilkad mana mettak danab, amu ahilkad eman danab ele, ag ag onilagppa eeg, ag uɗieg, Pilistia danab ag appig. “Yawenu Tituanak Nainu Kunup amu, ig Tituanak Nainu Kunup amunu attem hekkunig? Ig aɗi keeke Tituanak Nainu Kunup amu ele mepput, nug eɗua, nuhig abenppa gokku?” aon appig.